«Damý» Qory «Damý-Optima» baǵdarlamasynyń talaptaryn jaqsartty
«Damý Optima» baǵdarlamasy «Biznestiń jol kartasy 2020» baǵdarlamasyna kirmeitin topqa arnalǵan. Jańa baǵdarlama saýda, qyzmet kórsetý, qoǵamdyq tamaqtandyrý, qurylys sekildi salalarda qol jetimdi. «Damý Optima» bank aldynda kepilzaty jetkiliksiz bolǵan kásipkerlerge «Damý» Qorynyń kepildemesin paidalanyp nesie alýǵa da jaǵdai jasaidy.
2016 jyly qanatqaqty joba retinde júzege asyryla bastaǵan «Damý Optima» baǵdarlamasyna engizilgen ózgerister qatarynda – kásipkerlerge qoiylatyn talaptardy qaita qaraý, kepildeme berý talaptary, kepildendirýdiń jańa túrlerin engizý men qazirgi qoldanystaǵy túrin damytý da bar. Atap aitqanda investitsiialyq maqsattaǵy nesieniń esebinen alynǵan kez-kelgen jyljityn/jyljymaityn múlikti budan bylai bankke kepildik retinde usynýǵa bolady. Baǵdarlamanyń buǵan deiingi talaby boiynsha mundai jaǵdaida úshinshi jaqtyń kepildigi kerek bolyp, kásipkerdiń barlyq kepilzattarynyń 70 paiyzy turaqty jáne ótimdi bolýy mindetteletin edi
Engizilgen taǵy bir ózgeris – «Damý»-Optima» baǵdarlamasyna isin jańa bastaǵan kásipkerlerdiń de qoly jetetin bolǵandyǵy.Endi olar bank aldynaǵy kepilzaty jetkiliksiz bolǵan jaǵdaida Qordan nesie somasynyń 85 paiyzyna deiin kepildeme ala-alady. Isin jańa bastaǵan kásipkerlerge 30 mln teńgege deiin nesie beriledi.
Biznesi júrip turǵan kásipkerler úshin nepildeme somasy burynǵydai, iaǵni nesie somasynyń 50 paiyzy bolyp qaldy. Biznesi bar kásipkerler úshin beriletin nesie somasy – investitsiialyq maqsatqa 180 mln teńgege deiin, ainalym qarajatyn tolyqtyrýǵa 60 mln teńgege deiin. Biznesi bar kásipkerler joba qunynyń 20 paiyzyn ózderi shyǵarýy kerek.
Baǵdarlamaǵa engizilgen ózgerister boiynsha, kásipkerler «Damý»-optima» baǵdarlamasynyń kepildemesimen ekinshi deńgeili bankterdegi nesiesin qaita qarjylandyra alady. Baǵdarlamanyń alǵashqy nusqasy boiynsha kepildik tek investitsiia men ainalym qarajatyna arnalǵan jańa nesielerge ǵana qarastyrylǵan edi.
Qor «Damý-Optimanyń» kepildigin banktiń nesie berý jaily sheshimi shyqqanǵa deiin alýǵa bolatyndai etip ózgeris engizýdi de josparlap otyr. Kásipker qolyna «Damý-Optimanyń» kepildigin alyp, nesie alý úshin birneshe bankke qatar ótinim berip, jobasyn qarjylandyratyn eń yńǵaily nusqasyn tańdap alýǵa múmkindik alady.
«Damý Optima» baǵdarlamasyna 2017 jylǵy beriletin jalpy qarjy 3 mlrd teńgeni quraidy.
«Bank Tsentr Kredit» AQ, «Bank RBK» AQ, «Evraziiskii bank» AQ, «EksimbankQazaqstan» AQ, «Astana banki» AQ, «TengriBank» AQ, «Sberbank» AQ EB, «ForteBank» AQ,«Alfa-Bank» AQ EB, «Bank KassaNova» AQ, «Qazkommertsbank» AQ, Bank VTB (Qazaqstan) AQ EB, "Tsesnabank" AQ arqyly alýǵa bolady.
2016 jyly engizilgen «Damý Optima» baǵdarlamasynyń nátijeleri
2016 jyly baǵdarlama boiynsha kepldeme qorynyń jalpy quny320 mln teńge jáne nesie qorjyny 1 mlrd teńgelik 63 kepildik maquldandy. Atalǵan baǵdarlama boiynsha kepildik alǵan jobalardyń jalpy sanynyń 82 paiyzy - kóterme jáne bólshek saýda, avtokólik jáne mototsikl jóndeý salasy, 7 paiyzy –qonaq úi men tamaqtandyrý qyzmeti, 5 paiyzy – óńdeý ónerkásibi salasyn qamtidy. Eń kóp kepildik «Bank Tsentr Kredit» AQ, «ForteBank» AQ, «Sberbank» AQ EB arqyly berildi.
«Damý» Qorynyń kepildigi boiynsha barlyq protsester avtomattandyrylǵan. Bul Qor kepildemesin alý barysynda ýaqytynkásiipkerdiń ýaqytyn únemdeýge múmkindik beredi.
