5-13 tamyz aralyǵynda ótetin velojarysqa Shyǵys Qazaqstan oblysy ákimdigi barynsha qoldaý kórsetip keledi. Bıyl aıtýly dodany qoldaýshylardyń qataryna QR Bilim jáne ǵylym mınıstrligine qarasty Ulttyq ǵylymı-tehnıkalyq dene-tárbıesi ortalyǵy men Qazaqstan velosıped sporty federasıasy da qosylǵanyn aıta ketýimiz kerek.
Sporttyq sharaǵa aıryqsha qoldaý tanytqan Shyǵys Qazaqstan oblysy ákimi Danıal Ahmetov jarysqa qatysýshylarmen birge 25 shaqyrymdyq velotrassa júrip ótip, jarystyń shymyldyǵyn túrip berdi. Óz kezeginde ákim:
– «Qazaqstan oqýshylary – 2017» kópkúndik velojarysy – oblysymyzdaǵy mańyzdy, ári qyzyqty sporttyq sharalardyń biri. Mundaı jarystar jastarymyzdyń kúshti, densaýlyqtarynyń myqty bolýyn qamtamasyz etedi. Sol sebepti, men buǵan deıin uıymdastyrylǵan jarystarǵa qatysyp, ózimdi synaǵanmyn. Búginde sol ádetimnen jańylmaı, velojarysqa qatysyp, 25 shaqyrymdyq joldy jarysqa qatysýshylarmen júrip óttim. Bıylǵy jarysqa Ózbekstan komandasynyń qatysýy sharanyń mańyzyn arttyra tústi dep belimin. Jarysqa qatysýshylardyń bárine sáttilik tileımin, – dedi SHQO ákimi.
Sońǵy jyldary Shyǵys Qazaqstan oblysynda ótip júrgen velojarysty eń alǵash 1970 jyly Qazaqstannyń eńbek sińirgen jattyqtyrýshysy, ustaz Aleksandr Antyshevtyń bastamasymen uıymdastyrylǵan-dy. 1999 jyly Almatyda uıymdastyrylǵan jarystan keıin, sol kezde QR Premer-Mınıstri qyzmetin atqarǵan Danıal Ahmetovke Aleksandr Antyshev jarysty úzbeı uıymdastyryp turýǵa qoldaý kórsetý týrasynda usynys jasaǵan-dy. Óz kezegende Danıal Ahmetov ardager jattyqtyrýshynyń oıyn qoldap, velojarysty «Qazaqstan oqýshylary» dep ótkizip turýdy qoldaǵan bolatyn. Mine, sodan beri «Qazaqstan oqýshylary» veleojarysy Shyǵys Qazaqstan oblysynda úzdiksiz uıymdastyrylyp keledi.
Osy bir sporttyq sharany Shyǵys Qazaqstan oblysynda uıymdastyrýdyń ózindik syry da joq emes. Shyǵystaǵy velotrassada taýly jáne jazyq jerler kezdesetinimen erekshelenedi. Bul velojoldar áıgili Výelta, Týr de Frans, Djıro d’Italıa velojarystary ótetin tarassaǵa óte uqsas.
«Qazaqstan oqýshylary» velojarysynan Olımpıada chempıony Aleksandr Vınokýrov pen trekte júrgen álem chempıony atanǵan Alekseı Lálko syndy veloshabandozdar túlep ushqanyn aıta ketýimiz kerek.
Uıymdastyrýshylardyń aıtýynsha, bıyl Shyǵys Qazaqstan oblysynda 17 ret uıymdastyrylǵan jarysqa 6700 veloshabandoz qatysyp, baqtaryn synaǵan.
