Chempiondar elge oraldy: Almatylyqtar Smetov pen Qyrǵyzbaevty kútip aldy

Almatylyqtar Parij Olimpiadasynyń júldegerleri Eldos Smetov pen Ǵusman Qyrǵyzbaevty qarsy aldy, - dep habarlaidy Dalanews.kz.

Smetov pen Qyrǵyzbaevty kútip alýǵa júzdegen adam áýejaiǵa jinalǵan. 

Aita keteiik,qazaq palýany Eldos Smetov Parijdegi oiyndardyń finalynda Lýka Mheidzemen (Frantsiia) kúresip, qarsylasynan basym tústi.

Osylaisha, Eldos Smetov olimp shyńyn baǵyndyryp, esimin qazaq sporty tarihyna altyn árippen qashap jazdy.

Tarazdyq tatami sheberi osyǵan deiin 2016 jyly Rio Olimpiadasynda finalǵa shyqqanymen qarsylasyna ese jiberip, kúmispen kúptelgen. Al Tokiodaǵy oiyndarda Tornike Chkadýany jyǵyp, úzdik úshtikti túiindegen. Eldos ómirindegi basty beldesýde bar sheberligin pash etti.

Parijde ótip jatqan Olimpiada oiyndarynda qazaqstandyq tatami sheberi, Túrkistan oblysynyń týmasy, búinde Almatyda turatyn Ǵusman Qyrǵyzbaev qola medal úshin beldesýde serbiialyq  Strahinia Býnchichti jyǵyp, qola medal jeńip aldy.