2026 jyldyń mamyr aiynda Biryńǵai jinaqtaýshy zeinetaqy qorynyń investitsiialyq tabysy teris kórsetkishke shyqty. Bul týraly qordyń resmi derekterinde aityldy, dep habarlaidy dalanews.kz.
1 mamyrdaǵy jaǵdai boiynsha, qazaqstandyqtardyń BJZQ-daǵy zeinetaqy jinaǵy 25,71 trln teńgege jetken.
Alaida mamyr aiynyń qorytyndysy boiynsha investitsiialyq qyzmetten túsken "taza" tabys minýs 2,34 mlrd teńgeni quraǵan. Qor muny teńgeniń dollarǵa shaqqandaǵy baǵamynyń nyǵaiýymen bailanystyrdy.
Jyl basynan beri eseptelgen investitsiialyq tabys kólemi nebári 2,78 mlrd teńge bolǵan. Al salymshylar shotyna bólingen zeinetaqy aktivteriniń kiristiligi 0 paiyzǵa deiin tómendegen.
Sonymen qatar alǵashqy bes aidaǵy jinaqtalǵan infliatsiia deńgeii 3,6 paiyzǵa jetken.
Sarapshylardyń aitýynsha, mundai jaǵdai salymshylardyń naqty tabysyna áser etýi múmkin, óitkeni infliatsiia deńgeii investitsiialyq kiristen joǵary bolyp otyr.
