Baqytjan Saǵyntaevtyń aitýynsha, qalanyń ortalyq aýdandarynda burynnan bar skver men alańdardy jóndep, retke keltirsek, shetki aýmaqtarda bos ári qaraýsyz qalǵan ýchaskelerde balalardyń oiyn jáne sport keshenderin ornatýdamyz.
– Bul «Biýdjetke qatysý» jobasyna qatysyp, belsendilik tanytqan qala turǵyndarynyń arqasy, – dep atap ótti megapolis ákimi.
Mysaly, biyl Naýryzbai aýdanynda osyndai 32, Alataý aýdanynda – 31, Túrksibte – 18 alań ornatylady. Áýezov aýdanynda – 21, Jetisýda – 18, Medeý men Bostandyq aýdandarynda 8 joba júzege asyrylýda. Almaly aýdanynda bos jatqan 5 ýchaske abattandyrylyp, itterdi serýendetýge arnalǵan 3 alań uiymdastyryldy.
Balalar men jasóspirimderdiń erkin oinap, aǵa býyn ókilderiniń tynysh ári jaily demalysyna jaily oryndy shaǵyn ýchaskelerdiń turǵyndary ózderi tańdaidy. Sondyqtan mundai aimaqtardyń qadamdyq qoljetimdiligi mańyzdy. Aita keteiik, barlyq aýdandarda kúres, boks, fýtbol úiirmeleri ashylady.
