Qýandyq Bıshimbaevtyń týysy Baqytjan Baıjanov merziminen buryn bosap shyǵýy múmkin. Bul týraly onyń advokaty aıtty, dep habarlaıdy Dalanews.kz.

Tengrinews.kz-ke bergen suhbatynda advokat Ǵazız Yntyqbaev onyń qorǵaýyndaǵy adam 2025 jylǵy jazdan bastap shartty túrde merziminen buryn bosatý týraly ótinish berýge quqyly ekenin málimdedi.

"Onymen únemi baılanysta emespin, sondyqtan ótinish bergen-bermegenin naqty bilmeımin. Biraq sot mundaı ótinishterdi ázirge qarastyrǵan joq", - dedi advokat.

Qorǵaýshynyń aıtýynsha, Baıjanov jazany aýystyrý týraly ótinish bildire alady.

"Ol sotqa tikeleı emes, mekeme ákimshiligi arqyly ótinish beredi. Aldymen mekeme barlyq qajet aqparatty jınaıdy: minezdeme, kótermeleý, dıplomdary. Osydan keıin qujattar Stepnogorsk sotyna tapsyrylady", - dep túsindirdi Yntyqbaev.

Zańgerdiń sózinshe, Baqytjan Baıjanov raqymshylyqqa iligýi múmkin. Alaıda ol qylmystyq jaýapkershilikten tolyq bosatylmaıdy.

"Eki sanaty bar: qylmystyq jaýapkershilikten tolyq bosatý jáne merzimin qysqartqan kezde jartylaı bosatý. Baıjanov ekinshisine iligedi, qalǵan jazanyń úshten birine deıin qysqartýy múmkin, óıtkeni qylmys aýyr sanatqa jatady", - dep naqtylady zańger.

Aıta keteıik, Baqytjan Baıjanov 4 jylǵa sottalǵan bolatyn.