24 jylǵa sottalǵan eks-ministr Qýandyq Bishimbaev jaqynda koloniiaǵa jetkizilgen bolatyn. Eger ol koloniiada jumys isteitin bolsa, jalaqysy qansha bolýy múmkin ekeni anyqtaldy, - dep habarlaidy Dalanews.kz tilshisi Tengrinews.kz-ke silteme jasap.
Qylmystyq atqarý júiesi komitetiniń málimetinshe, qazaqstandyq sottalǵandardyń eńbegi eki túrli tólenedi: ýaqytsha jáne kelisim boiynsha.
Eńbekke ýaqytsha aqy tóleý kezinde sottalǵandardyń jalaqysy belgilengen tariftik mólsherlemege nemese naqty jumys istegen ýaqyty úshin jalaqyǵa sáikes esepteledi. Jalaqy tóleý kezinde aqsha oryndalǵan jumystyń nemese óndirilgen ónimniń árbir birligi úshin tólenedi.
"Qylmystyq-atqarý júiesiniń kásiporyndarynda ne biznes sýbektilerinde jumysqa ornalasqan bir sottalýshynyń ortasha jalaqysy 25 myńnan 200 myń teńgege deiin bolady", - deidi QAJK ókilderi.
Sondai-aq, komitettiń málimetinshe, Qazaqstan koloniialarynda atqarý paraqtary bar sottalǵandardy jumysqa ornalastyrý boiynsha birinshi kezektegi sharalar qabyldanyp jatyr.
"Olardyń jalaqysynan zańnamada aiqyndalǵan mólsherde (jalaqynyń nemese ózge tabystyń keminde elý paiyzy) ai saiynǵy ustap qalýlar júrgiziledi. Osylaisha, zalaldy óteý sottalǵandardyń tabysyna tikelei bailanysty", - dep tolyqtyrdy komitet.
Eske salaiyq, 23 shildede Qýandyq Bishimbaev koloniiaǵa jetkizildi.
"Sottalýshy sot úkimi boiynsha qatań rejimdegi mekemege aýystyryldy. Sonymen qatar, qylmystyq-atqarý kodeksiniń 88 - babyna sáikes sottalǵandar tirkeýge sáikes jazasyn óteý oryndaryna jiberiletinin habarlaimyz", - delingen habarlamada.
Kodekske sáikes ózge de aqparat jariia etýge jatpaidy.
