Qýandyq Bishimbaevtyń anasy Álmira Nurlybekova kompaniialaryn ózine qaitara bastady, - dep habarlaidy Dalanews.kz.
Reestrlerdegi málimetter boiynsha, 71 jastaǵy Álmira Nurlybekova qaitadan Sapa Logistics kompaniiasynyń ieleriniń biri atanǵan.
Álmira Nurlybekova 2020 jyldan beri JShS quryltaishylar quramynda bolǵan. Alaida 2024 jyly Saltanat Núkenovanyń ólimine qatysty is qyzý talqyda bolǵan kezde kompaniiadaǵy úlesin týysy Qarlyǵash Ádilovaǵa jazyp bergen. Qazirgi tańda Sapa Logistics kompaniiasynyń tórt iesi bar, olar – Nurlybekova, Ádilova jáne Arman Dosmaǵambetov. Sońǵysy 2018 jyldan beri kompaniia direktory qyzmetin atqaryp júr.
Sapa Logistics týraly ne belgili?
Resmi túrde bul - Bishimbaevtarǵa tiesili eń iri kompaniia. Mekeme qoimada taýar saqtaýmen ainalysady. Kompaniia 2015 jyldan beri 900 million teńgedei salyq tólegen. Qýandyq Bishimbaev Núkenovanyń ólimine qatysty alǵashqy sot otyrysynda Sapa Logistics kompaniiasynda keńesshi bolyp jumys isteitinin aitqan bolatyn.
Kompaniia saityndaǵy málimet boiynsha, JShS klientteriniń arasynda Coca-Cola, Herbalife, Pony Express, Schneider Electric, «Sultan» jáne taǵy basqa kompaniialar bar.
Álmira Nurlybekovanyń taǵy qandai aktivteri bar?
Sapa Logistics - tergeý kezinde Álmira Nurlybekova «qutylǵan» jalǵyz kompaniia emes. Mysaly 14 naýryzda ol Ezy Park JShS quryltaishylar tiziminen shyǵyp ketken. Saltanat Núkenova mert bolǵan BAU meiramhanasy osy kompaniiaǵa tiesili. Kompaniiaǵa 2020 jyldan beri Nurlybekova ielik etken. Al qazirgi basshylary - Azamat Ahmetjanov, Serjan Mádev, Qairat Málik jáne Ǵalima Shahanova. Mádievten ózgeleri 14 naýryzdan beri kompaniiaǵa basshylyq ete bastaǵan.
Sonymen qatar, 2024 jyldyń sáýirinde Álmira Nurlybekova «Naýbet-II» kompaniiasynyń basshylyǵynan da ketken. Jalpy Bishimbaevtyń anasy qujattar boiynsha taǵy birneshe kompaniiaǵa ielik etedi, onyń ishinde:
«Shý» tehnikalyq litseii;
Astanadaǵy «Success ABN» JShS bar.
