Astanada shamamen 1 million dollarǵa bailanysty alaiaqtyq isi boiynsha sot otyrysy jalǵasyp jatyr, dep habarlaidy Dalanews.kz.
Bul istiń jábirlenýshisi - eks-ministr Qýandyq Bishimbaevtyń anasy Almira Nurlybekova. Búgin sottaǵy jaýap alý kezinde ol kózine jas aldy.
"Mundai jaǵdai bolady dep eshkim kútpedi. Ekeýmiz de jas emespiz, densaýlyǵymyz syr berip ketti. Kúieýim qaterli isikke shaldyqqan, júregi álsiz. Kúni-túni "ulymyzdyń taǵdyry ne bolar eken?" degen oi ǵana maza bermedi", dedi ol sotta.
Eske salaiyq, buǵan deiin Astanada Bishimbaevtyń týysyna qatysty sot ótip jatqany habarlandy.
