Áleýmettik jelide eks-ministr Qýandyq Bishimbaevtyń ákesi Ýálihan Bishimbaev jeke joǵary oqý ornyn ashatyny týraly aqparat tarady. Bul jaitqa Ǵylym jáne joǵary bilim ministrliginiń qoǵammen bailanys departamentiniń direktory, baspasóz hatshysy Oljas Berkinbaev jaýap berdi, – dep habarlaidy Dalanews.kz.
Áleýjelide taraǵan aqparat
Jelide taraǵan aqparatta Ýálihan Bishimbaev Tarazda "Bishimbayev University" ataýymen jeke joǵary oqý ornyn ashatyny aitylady.
"Ýniversitet talapkerlerdi qabyldaýdy jańa oqý jylynan bastaidy jáne azamattyq, qylmystyq, halyqaralyq, korporativtik, qarjylyq jáne salyq quqyǵy, ziiatkerlik menshik jáne tórelik siiaqty zań pánderine mamandandyrylady. Jelide jariialanǵan málimetterge sáikes, ýniversitet rektory Ýálihan Bishimbaevtyń ózi bolady", - dep jazylǵan aqparatta.
Ministrlik pikiri
Joǵaryda aitylǵandardy negizge ala otyryp, ministrlik «Bishimbayev University» ataýymen bilim berý qyzmetin júzege asyrýǵa litsenziia berilgenin joqqa shyǵarady, sondai-aq, «e-litsenziialaý» aqparattyq júiesinde tiisti ótinim bolmaǵanyn habarlaidy", - dedi ministrliktiń resmi ókili.
