Respýblikalyq advokattar alqasy eks-ministr Qýandyq Bishimbaevtyń advokaty Erlan Ǵazymjanovqa “Kásibi sheberligi úshin” medalin tabystady, dep habarlaidy Dalanews.kz.
Buzyq telegram-arnasynyń málimetine súiensek, medaldi alqa tóraǵasynyń orynbasary ári Núkenovter otbasynyń advokaty Igor Vranchev tabystaǵan.
“Bul marapat – eńbegim men jetistikterimniń belgisi. Sonymen qatar adamdardyń quqyǵy men bostandyǵyn qorǵaý jolyndaǵy qyzmetimdi ary qarai jalǵastyrýyma shabyt syilamaq”, — dep atap ótti Erlan Ǵazymjanov.
Aita keteiik, azamattyq nekedegi áieli Saltanat Núkenovany óltirdi degen aiyppen 24 jylǵa bas bostandyǵynan aiyrylǵan eks-ministr Qýandyq Bishimbaevty advokat Leila Ramazanova, Nazken Qusaiynova, Erlan Ǵazymjanovtar qorǵaǵan edi.
Osy tusta Respýblikalyq advokattar alqasynyń tóraǵasy Aidyn Bikebaev áriptesterine úndeý joldaǵan bolatyn.
Jiynda "Bishimbaev isine" bas suqqan advokattardy jariia talqylaýdy toqtatý týraly másele qozǵaldy. Ol atalǵan oqiǵa advokattardyń kásibi ádebine nuqsan keltirip jatqanyn atap ótken edi.
"Advokattardy Bishimbaev isine qatysatyn áriptesterin jariia talqylaýdy toqtatýǵa shaqyramyn. Bul áreketter kásibi ádep kodeksin buzýǵa ákelýi múmkin. Ár nárseniń shegi bolýy kerek. Árbir advokat advokatýranyń bedelin oilaýy tiis", - dep málimdegen bolatyn.
Eske salaiyq, byltyr Qýandyq Bishimbaev áieli Saltanat Núkenovany óltirdi degen kúdikpen qamaýǵa alyndy. Oqiǵa 2023 jyly 9 qarashada Astana qalasyndaǵy BAU meiramhanasynda boldy.
Bishimbaevqa eki bap boiynsha aiyp taǵyldy:
- asa qatygezdikpen kisi óltirý (15 jyldan 20 jylǵa deiin nemese ómir boiyna bas bostandyǵynan aiyrý);
- qorlaý (4 jyldan 7 jylǵa deiin bas bostandyǵyn shekteý nemese osy merzimge bas bostandyǵynan aiyrý).
13 mamyrda Bishimbaev isi boiynsha úkim shyqqan bolatyn. Alqabiler sheshimi boiynsha, Bishimbaev 24 jylǵa, Baijanov 4 jylǵa bas bostandyǵynan aiyryldy.
