Búgin eks-mınıstr Qýandyq Bıshimbaev isine qatysty sot jaryssózi bastalýy kerek edi. Alaıda sot otyrysynda aıyptaýshy tarap ekinshi sottalýshy Baqytjan Baıjanovqa qatysty sot tergeýin qaıta bastaýǵa ótinish jasady, - dep habarlaıdy Dalanews.kz.
Baqytjan Baıjanov Qylmystyq kodekstiń eki baby boıynsha qylmys jasady dep aıyptalyp otyr: 432-bap "aýa aýyr qylmysty jasyryp qalý" jáne 434-bap "asa aýyr qylmysty habarlamaý".
Sot jaryssózi bastalar aldynda memlekettik aıyptaýshy sottalýshy Baqytjan Baıjanovqa taǵylǵan aıypty naqtylaý úshin sot tergeýin qaıta bastaý týraly ótinishhatty málimdedi. Sot ótinishhatty qanaǵattandyrdy.
Prokýror Baqytjan Baıjanovqa qatysty Qylmystyq kodekstiń 434-babynyń (qylmys týraly habarlamaý) bóliginde aıyptaýdan bas tartty jáne oǵan qatysty qylmystyq isti Qylmystyq kodekstiń 432-baby boıynsha qaraýdy jalǵastyrýdy surady (asa aýyr qylmysty kúni buryn ýádelespeı jasyryp qalý).
Sot taraptarǵa Baqytjan Baıjanovqa qatysty aıyptaýdyń jańa tujyrymymen tanysýǵa ýaqyt berdi.
Sot otyrysy taǵy 2 mamyrǵa shegerildi.
Aıta keteıik, Astana qalasynyń mamandandyrylǵan aýdanaralyq sotynda Qýandyq Bıshimbaevqa qatysty qylmystyq is boıynsha birneshe sot otyrysy ótti. Ony dúıim jurt Joǵarǵy sottyń YouTube kanalynan onlaın tamashalady.
Azamattyq nekedegi áıeli Saltanat Núkenovany óltirdi degen aıyppen sottalyp jatqan eks-mınıstr Qýandyq Bıshimbaevty advokat Leıla Ramazanova, Nazken Qusaıynova, Erlan Ǵazymjanovtar qorǵap jatyr.
Al marqum Saltanat Núkenovanyń aǵasy Aıtbek Amangeldi men onyń otbasynyń advokattary – Janna Orazbahova men Álıa Omarova.
27 naýryzda eks-mınıstr Qýandyq Bıshimbaevtyń isi boıynsha alqabıler tańdalǵan edi. Alqabıler alqasyna 12 adam irikteldi: 10 – negizgi quram, 2 – qosalqy. Sodan keıin ashyq sot otyrystary bastaldy.
Sonymen qatar, Qýandyq Bıshimbaev sotta Saltanat Núkenovany asa qatygezdikpen óltirgenin moıyndamady. Bul oqıǵa 2023 jyly 9 qarashada Astana qalasyndaǵy BAU meıramhanasynda boldy.
Bıshimbaevqa eki bap boıynsha aıyp taǵyldy:
- asa qatygezdikpen kisi óltirý (15 jyldan 20 jylǵa deıin nemese ómir boıyna bas bostandyǵynan aıyrý);
- qınaý (4 jyldan 7 jylǵa deıin bas bostandyǵyn shekteý nemese osy merzimge bas bostandyǵynan aıyrý).
Qýandyq Bıshimbaevqa qatysty 24 sáýirde ótken sot otyrysynda sot tergeýi aıaqtalǵany belgili boldy. Endigi kezek sot jaryssózinde. Aıta keteıik, Bıshimbaevqa qatysty sot jaryssózi 2, 3 jáne 4 mamyrda jalǵasady.
