Kún tártibinde 2023-2024 oqý jylyna tehnikalyq jáne kásiptik, orta bilimnen keiingi bilimi bar kadrlardy daiarlaýǵa arnalǵan memlekettik bilim berý tapsyrysyn qaita qaraý, memlekettik bilim berý tapsyrysy ornalastyrylatyn uiymdarynyń tizbesin anyqtaý máselesi qaraldy. Sonymen birge memlekettik granttardy bilim berý uiymdaryna úilestirý jónindegi túitkilder de tarqatyldy.
– Komissiianyń hattamalyq sheshimimen 70 mamandyq boiynsha jalpy 15300 orynǵa memlekettik tapsyrys berilgen bolatyn. Búgingi tańda tehnikalyq jáne kásiptik, orta bilimnen keiingi bilim berý uiymdary tarapynan atalǵan memlekettik tapsyrys oryndalyp otyr.
Bul rette biyl uiymdastyrý jumystarynyń jańasha tásilde júrgizilgenin aita ketken jón. Oblys aýmaǵyndaǵy «Jastar resýrstyq ortalyqtarynyń» mamandary aýyldardy, qalalardy túgel aralap, memlekettik baǵdarlamalar, tegin oqý granttary týraly aqparat berdi.
Nátijesinde memlekettik granttar tolyq igerildi. Olardyń arasynda NEET sanatyndaǵy jastar da bar. Endi oqý sapasyn jaqsartý, qoǵamǵa qajetti mamandyqtardy anyqtap, kelesi oqý jylynda granttardy kelesi sol salalarǵa baǵyttaý joldaryn qarastyrý qajet – dedi Beisen Tájibaev.
Jiynda komissiia músheleriniń usynystary men pikirleri tyńdalyp, tapsyrmalar hattamaǵa engizildi.
Túrkistan oblysy kolledjderine 2022 jyly 17 myń grant bólinip, onyń 11 110-y igerilip, qalǵan 5 900 oryny igerilmei, keri qaitarylǵan bolatyn. Al biyl respýblikalyq biýdjetten qaralǵan 15300 grant 43 kolledj arqyly tolyq igerildi.
Ótken jylmen salystyrǵanda kolledj stýdentteri 4 myńǵa kóbeidi. Mamandyq túrine qarai bir stýdentke biýdjetten bólinetin jyldyq oqý quny 850 myń teńge men 1 mln. teńge aralyǵynda. Biyl granttardy ornalastyrýda ashyqtyq qaǵidaty qatań saqtaldy.
Oblys ákiminiń orynbasary osy rette, oqýǵa túsýge nietti jastarmen aqparattyq-túsindirme jumystaryn júrgizýde aýdan, qala ákimdikteri men oblystyq bilim basqarmasy arasynda jumysty jańa formatqa kóshirý qajet ekenin jetkizdi. Osy baǵytta jańa josparlar qurylýda.
Aita keteiik, qyrkúiek aiynan bastap, kolledj stýdentteriniń shákirtaqysy 22 myńnan 32 myńǵa, al, 2024 jyldan bastap 42 myńǵa artady.
