Biyl Prezidenttik jastar kadr rezervine kezekti irikteý ótkiziledi
– Biyl Prezidenttik jastar kadr rezervine kezekti irikteý ótedi. Qazirgi kezde elimizdiń eń mańyzdy salalarynda – densaýlyq saqtaý, energetika, bilim berý baǵytynda jumys isteitin rezervshilerdiń sany óte az. Bul rette, rezervshilerdiń salalyq toptaryn qaita qarastyramyz. Úmitkerlermen áńgimelesý mindetti túrde salalyq ortalyq organnyń qatysýymen ótkizý josparlanýda, – dedi MQIA basshysy.
Sondai-aq Agenttik Prezidenttik jastar kadr rezervin jetildirý boiynsha únemi jumys júrgizip keledi. Jeltoqsan aiynda qabyldanǵan Rezervten shyǵý tártibin bekitetin Jarlyqqa sáikes óz erkimen, ózge eldiń azamattyǵyn alǵan, Qazaqstannyń azamattyǵyn joǵaltqan, jumystan teris sebepter boiynsha shyqqan PJKR ókilderi rezervten shyǵarylady.
Prezidenttik jastar kadr rezervimen qatar biyl Agenttik óńirlerge talantty jastardy barynsha tartýǵa den qoiyp otyr.
«Óńirdegi jastarǵa áleýmettik liftti qamtamasyz etý úshin respýblikanyń barlyq aimaqtarynda óńirlik jastar kadr rezervterin qurýdy josparlap otyrmyz», – dedi Darhan Jazyqbaev.
QR MQIA Baspasóz qyzmeti
