2024–2025 oqý jylynda memlekettik grantpen oqityn stýdentter sany aitarlyqtai qysqarýy múmkin, dep habarlaidy Dalanews.kz.
Biyl memleket tek 71 844 grant bólýdi josparlap otyr. Al ótken jyly bul kórsetkish 112 myń bolǵan edi.
Biyl joǵary oqý oryndaryna 220 myńǵa jýyq talapker qujat tapsyrady dep kútilýde. Iaǵni, ár úshinshi talapker ǵana memlekettik tapsyrys arqyly oqýǵa múmkindik alady.
Ǵylym jáne joǵary bilim ministrliginiń málimetinshe, 2030 jylǵa deiin Qazaqstan ekonomikasyna 885 myń maman qajet bolady. Onyń ishinde injenerlik salada – 530 myńǵa jýyq, al pedagogikalyq salada – 185 myńnan astam mamanǵa suranys bar. Muǵalimderge degen qajettilik jalpy úlestiń 21%-yn quraidy.
Jańa oqý jylynda úkimet naqty salalarǵa basymdyq berip otyrǵan salalar:
Injenerlik, óńdeý jáne qurylys salalaryna – 20 878 grant
Pedagogikalyq baǵyttarǵa – 17 898 grant
Aqparattyq-kommýnikatsiialyq tehnologiialarǵa – 12 087 grant.
