Elbasy N.Á.Nazarbaevtyń «Qazaqstannyń úshinshi jańǵyrýy: jahandyq básekege qabilettilik» atty Joldaýynda - eńbek naryǵyn jańǵyrtýda basy artyq jumys kúshi bar óńirlerden basqa jerlerge jumys kúshin utymdylyqpen tartýǵa qoldaý kórsetýdi atap kórsetken bolatyn.
Osyǵan orai, oblys ákimi J.Túimebaevtyń tapsyrmasy sáikes, óńirden eńbek kúshi jetispeitin respýblikamyzdyń soltústik óńirlerine óz erkimen halyqty qonystandyrý jumystary júrgizilýde.
Máselen, biyl Ońtústik Qazaqstan oblysynan 665 otbasy qonys aýdarady dep josparlanýda.
Atalǵan jumystardy atqarýǵa jergilikti atqarýshy bilikpen birge óńirdegi isker azamattar, málihat depýtattary belsene atsalysýda. Onyń dáleli retinde oblys máslihatynyń depýtaty J.Aǵabekovtyń demeýshiligimen 9 aýdan, qaladan 75 otbasy aldaǵy ýaqytta qonys aýdarý úshin soltústik óńirimen tanysyp qaitatyn bolady.
Olardyń 35-i Pavlodar, 9-y Qostanai, 26-sy Soltústik Qazaqstan oblystaryna barady.
Shyǵaryp salý saltanatyna arnaiy qatysqan oblys ákiminiń orynbasary E.Sadyr ońtústikqazaqstandyq otbasylarǵa sátti sapar tiledi.
«Memleket basshysynyń bastamasymen qolǵa alynǵan bul joba 2015 jyly bastalǵan bolatyn. 2015-2017 jyldary oblystan 1392 múshesi bar 347 otbasy respýblikamyzdyń soltústik óńirlerine qonys aýdardy. Olar jumyspen qamtylyp, ár túrli salada jemisti eńbek etýde. Búgin de 75 otbasy qonys aýdarǵaly tur.
Qonys aýdarýshylarǵa onyń árbir otbasy múshelerine 84175 teńge mólsherinde kóshýge materialdyq kómek beriledi.
Qonys aýdarǵan azamattardyń turǵyn úi, jer, áleýmettik paketpen qamtamasyz etilýi ákimdiktiń turaqty baqylaýynda bolady», - dedi E.Ábilhaiyruly.
Budan bólek, qonys aýdarýshylarǵa memleket tarapynan 12 ai boiy ai saiyn turǵyn úidi jalǵa alý jáne kommýnaldyq qyzmetterge aqy tóleý úshin 48100-72150 teńge mólsherinde qarjy tólenedi. Sondai-aq, jumys ornyn ashyp, keminde bes qonys aýdarýshyny úsh jyl merzimge turaqty jumys ornyna qabyldaǵan azamatqa árbir jumysshy úshin 1 082 250 teńge kóleminde sýbsidiia beriledi.
OQO ákiminiń baspasóz qyzmeti
