Onda ákim aiqyn mejeni baǵyndyryp, ekonomikany órkendetý jolynda Ońtústik Qazaqstan oblysynyń da qosar úlesi mol bolatynyn aityp, ótken jyldyń qorytyndysymen oblystyń áleýmettik-ekonomikalyq damý qarqyny saqtalǵanyn jetkizdi. Máselen, jalpy óńirlik ónim kólemi 1,1% artyp, 2 trln. 808,4 mlrd. teńgeni quraǵan.
Ekonomikalyq damýdyń jańa modeline toqtalǵan aimaq basshysy Ońtústik Qazaqstan birqatar salalarda elimizde kóshbasshylyq oryndarda keletinin atap ótti. Máselen, respýblikada oblystyń aýyl sharýashylyǵynyń ónim kóleminiń úlesi 12,3%-dy quraidy. Jekelei tarqatyp aitsaq jylyjailar – 1123 ga, respýblikadaǵy úlesi – 80%, maqta – 286,7 myń tonna, úlesi – 100%, baqsha – 1 mln 264,5 myń tonna, úlesi – 61,1%, júzim – 51,4 myń tonna, úlesi – 68,5%, jemis – 90,7 myń tonna, úlesi – 37,8%, kókónis – 944,2 myń tonna, úlesi – 25%.
Munan soń, oblys basshysy Joldaýda aitylǵan tsifrlyq tehnologiiany qoldaný arqyly qurylatyn jańa indýstriialardy órkendetý boiynsha óńirde atqarylatyn jumystardy baiandady.
Onyń aitýynsha, «Tsifrlyq Qazaqstan» memlekettik baǵdarlamasynyń kórsetkishterine sáikes 2020 jyly kompiýterlik saýattylyq deńgeiin 80 %-ǵa jetkizý kerek bolsa, 2016 jyldyń qorytyndysymen OQO-da bul kórsetkish 79,2 %-dy quraǵan. Al, «Aqyldy qala» jobasy aiasynda «Smart Ontustik» jobasynyń tujyrymdamasy ázirlenip, ol indýstrialdyq-áleýmettik máselelerdi sheshýge baǵyttalatynyn málimdedi.
«2015-2019 jj. Indýstrialandyrý baǵdarlamasy aiasyndaǵy respýblikadaǵy 630 jobanyń 135 nemese 21,4% oblysymyzdyń úlesinde. Baǵdarlama oblysta iske asyrylǵannan beri jalpy quny 206,6 mlrd. teńgege, 9,5 myń jańa jumys ornyn quraityn 159 joba iske qosylyp, 101 mlrd. teńgeniń ónimi óndirildi. Aǵymdaǵy jyly baǵdarlama aiasynda 37 mlrd. teńgege 17 jobany iske qosý, 900-den astam jumys ornyn qurý josparlanýda. Osy jyldyń úsh aiynda 1,7 mlrd. teńgeni quraityn 3 joba júzege asty», – dedi ákim.
Munan bólek, Ońtústik Qazaqstanda toqyma klasterin damytý maqsatynda qurylǵan «Ońtústik» arnaiy ekonomikalyq aimaqta búgingi tańda 10 joba iske qosylyp, 1056 jumys orny ashylǵan. Bul aimaqta ornalasqan 2 kilem fabrikasy óńirde alǵash ret zamanaýi tehnologiialardy qoldana otyryp sátti jumys istep keledi.
OQO ákiminiń baspasóz qyzmeti
