Májilis barysynda «Qazsýshar» jáne «Ońtústik Qazaqstan gıdrogeologıalyq-melıoratıvtik ekspedısıasy» respýblıkalyq memlekettik kásiporyndary ókilderiniń atqarǵan jumystarynyń esepteri men usynystary tyńdaldy.
Aǵymdaǵy jyly 37 shaqyrymdyq 12 sý nysandaryna oblystyq búdjetten 995,9 mln. teńge qarjy qaralǵan. Atalǵan jumystar aıaqtalǵan jaǵdaıda 3005 gektarǵa sýarmaly jerdiń jaǵdaıy jaqsaryp, 1000 gektar sýarmaly jer jańadan aınalymǵa qosylady.
«Ońtústik Qazaqsan oblysy agrarlyq aımaq bolyp tabylady jáne aýyl sharýashylyǵynyń bolashaǵy jerdiń sapasy men qunarlyǵyna tikeleı baılanysty bolǵandyqtan, atalǵan máseleni sheshý mańyzdy», - dedi Janseıit Qanseıituly.
Eýropa Qaıta Qurý jáne Damý Bankiniń qarjylandyrýymen Shardara aýdanyndaǵy Jaýshyqum alqabyn sýlandyrý, Otyrar aýdanyndaǵy Sháýildir ústeme kanalyn jáne 368 shaqyrymǵa kolektor-drenaj júıelerin, Ordabasy aýdanyndaǵy R-5 kanalyn qaıta qurý jobasyn iske asyrý pysyqtaldy. Nátıjesinde 13,5 myń gektar jerdi sýmen qamtamasyz etý jaqsarady, 20 myń gektar sýarmaly jer jańadan aınalymǵa qosylady.
Sondaı-aq, Dúnıejúzilik damý bankiniń qarjylandyrýymen IDJJ-2 baǵdarlamasy arqyly Maqtaral aýdanynda 39 757 gektar, Shardara aýdanyndaǵy 20 630 gektar jáne Túrkistan qalasynda 10 000 gektar jerge sýarý júıeleriniń qaıta jańartý jáne qaıta qurý boıynsha jumystar júrgizý josparlanyp otyr. Qazirgi tańda, Avstralıalyq «SMEG» fırmasy atalǵan baǵdarlamaǵa jobalaý jumystaryn júrgizip jatyr.
Budan bólek, oblysymyzda sýdy únemdeıtin jańa ınovasıalyq tehnologıalardy qoldaný ádisi engizilýde. Bul maqsatqa oblystyq búdjet esebinen 18,3 mln. teńge bólinip, Taraz qalasyndaǵy «Qazaq sý sharýashylyǵy» ǵylymı zertteý ınstıtýty shyǵarǵan «Kolektorlyq drenajdyq sýlardy fosfogıt melıorantyn paıdalaný arqyly aǵyn sýdyń tapshylyǵyn azaıtý» jobasy óndiriske enip otyr. Nátıjesinde bul oblysymyzdaǵy jalpy aǵyn sý tapshylyǵyn 10 paıyzǵa deıin azaıtýǵa múmkindik beredi.
Májilisti qorytyndylaǵan aımaq basshysy aýdan, qala ákimderine tasqyn sýlardy ustap, jınaqtaıtyn sý qurylystaryn salý men «Dostyq» memleketaralyq kanalyn aǵyn sýmen qamtamasyz etýdi jáne kolektorlardyń sýyn paıdalaný múmkindikterin qarastyrý jóninde tapsyrmalar berdi. Sonymen qatar, sýarmaly jerlerdiń jaǵdaıyn jaqsartý boıynsha sharýa qojalyqtarymen turaqty túrde jumys jasaýmen qatar kanaldyń qýattylyǵyn arttyrý boıynsha naqty usynystar engizýdi júktedi.
OQO ákiminiń baspasóz qyzmeti
