Sot bilikti asyra paidalanǵany úshin burynǵy IIM basshysy Erlan Turǵymbaevqa úkim shyǵardy, - dep habarlaidy Dalanews.kz.
Astana qalasynyń qylmystyq ister jónindegi aýdanaralyq soty aýyr zardaptarǵa ákep soqqan bilikti asyra paidalandy dep aiyptalǵan T.-ǵa qatysty qylmystyq isti qarady (QR QK 362-babynyń 4-bóligi).
«Bul is «qupiia» degen belgimen kináni moiyndaý nysanynda is júrgizý kelisimimen kelip tústi. Sondyqtan onyń qaralýy jabyq sot otyrysynda ótti», — dep habarlady sot.
Sotta prokýror aiypty qoldap, sottan 5 jylǵa bas bostandyǵynan aiyrý jazasyn taǵaiyndaýdy surady. Bul rette QK-niń 63-baby negizinde jazany probatsiialyq baqylaýdy belgilei otyryp, sol merzimge shartty túrde dep aiqyndaýdy surady.
Sottalýshy kinásin tolyq moiyndap, shyn júrekten ókinish bildirdi.
Sot úkimimen T. QR QK 362-babynyń 4-bóliginde kózdelgen qylmysty jasaǵany úshin kináli dep tanylyp, 10 jylǵa belgili bir laýazymdardy atqarý quqyǵynan aiyryla otyryp, 5 jylǵa bas bostandyǵynan aiyryldy.
T.-ǵa sybailas jemqorlyq qylmys belgilerinsiz aiyp taǵylǵandyqtan, QK 63-baby negizinde taǵaiyndalǵan jazany shartty dep sanaý týraly sheshildi. Bul rette sot sottalýshynyń kinásin moiyndaýyn, onyń shyn júrekten ókinýin jáne alǵash ret qylmys jasaýyn da eskerdi.
QK 49-babynyń 2-bóligine sáikes sot Qazaqstan Respýblikasynyń Prezidentine arnaýly ataqtan jáne memlekettik nagradalardan aiyrýǵa usynys engizý týraly sheshim qabyldady.
Úkim zańdy kúshine engen joq.
