Býrabai aýdanynda jylý júiesine bólingen qarjyny jymqyrǵan sheneýnik pen merdiger 7 jylǵa bas bostandyǵynan aiyryldy, dep habarlaidy Dalanews.kz.
Aqmola oblysynyń Býrabai aýdandyq soty eki aiyptalýshyǵa úkim shyǵardy.
Qylmys qalai áshkerelendi?
Oblystyq prokýratýranyń málimetinshe, Býrabai aýdanynyń prokýratýrasy jylytý maýsymyna daiyndyqqa bólingen biýdjet qarjysynyń maqsatty jumsalýyna taldaý júrgizgen. Nátijesinde aýdandyq turǵyn úi-kommýnaldyq sharýashylyǵy (TQSh) bólimi men oǵan baǵynysty uiymdardyń qyzmetinen Qylmystyq kodekstiń 189-baby boiynsha (senip tapsyrylǵan múlikti iemdený nemese ysyrap etý) quqyq buzýshylyq belgileri anyqtalǵan.
Laýazymdy tulǵa men merdiger sottaldy
Anyqtalǵan derekter boiynsha Býrabai aýdanynyń TQSh bóliminiń laýazymdy tulǵasy men merdiger sotqa tartyldy. Sotqa deiingi tergeý barysynda jinalǵan dálelder olardyń kinásin tolyq dáleldedi.
Sot úkimimen eki aiyptalýshy da kináli dep tanylyp, 7 jylǵa bas bostandyǵynan aiyryldy. Olar jazalaryn ortasha qaýipsizdik deńgeiindegi túzeý mekemesinde óteitin bolady.
