Kino-juldyz, tanymal akter Rústem Janyamanov “Qyzyqty weekend” baǵdaralmasyna suhbat berip, otbasy jaiynda baiandady, dep habarlaidy Dalanews.kz
Akterdyń jary Janargúl Janyamanova da talai kinolarda boi kórsetip júrgen óner iesi.
Olar aldymen 6 jyl boiy tuńǵyshytarynyń dertimen kúreskenderin málimdedi.
"Bir-birimizge tek kúsh berý arqyly ǵaan ol dertti jeńdik. Óitkeni ońai bolǵan joq. Mundai jaǵdaida kóp otbasy ajyrasyp ketetin edi. Mysaly, ákesi búkil jaýapkershilikti áieldiń moinyna artyp qoiyp, izim-qaiym joq bop ketedi. Ol endi taza satqyndyq dep oilaimyn. Olai jasamaý kerek. Qanshalyqty synaq tússe de, óziń tańdaǵan adammen ómirdiń sońyna deiin birge bolý kerek eken”, – dedi akter.
Onyń sózine qaraǵand, ónerli otbasy alǵashynda balasynyń aýrýyna mán bermegen. Tuńǵyshynyń syrqaty ómirlik sabaq bolǵanyn da jasyrmaidy.
“Basynda murny qanai bastady. Bul belgige kóbisi mán bermeidi. Biz de mán bermedik. Al ol kezde bala tipti balabaqshaǵa barmaýy kerek eken. Biz dál sol kezde jumys babymen ony balabaqshaǵa bergenbiz. Balabaqshaǵa eki ai bardy. Ol odan saiyn asqynyp ketti. Biraq men sol dertke raqmet aitamyn. Ol bizge kóp nárseni úiretti. Bilim aldyq, úlken izdeniste boldyq. Bizde úlken rýhani damý boldy. Osy dert basymyzǵa túskende bizdiń qarym-qatynasymyz jańa deńgeige kóterildi. Bir-birimizdiń qadirimizdi uǵyndyq, odan saiyn jaqyndap, qoldai tústik. Erli-zaiyptylar bir-birin synaqsyz-aq túsine bilýi tiis. Qadirleý úshin, sezimiń kúsheiý úshin dert, synaq degendi kútpeý kerek” – deidi aktrisa.
