5 tamyzda Rio-de-Janeironyń "Marakana" stadionynda 2016 jylǵy Olimpiada oiyndarynyń ashylýy saltanaty ótedi. Si-En-En telekompaniiasy habarlaǵandai, ashylý saltanatyn ár elderden úsh millionǵa jýyq adam kóredi dep boljaidy.
Reseidik Olimpiada komitetiniń basshysy Aleksandr Jýkov Halyqaralyq olimpiada komitetinen (HOK) Rio-de-Janeiroǵa 271 reseilik sportshyny jiberýge ruqsat bergen qujat alǵanyn aitady.
Munyń aldynda Reseilik quramada 387 sportshy bolǵan. Júzden astam reseilik sportshyny Olimpiada oiyndaryna qatysýǵa tyiym saldy. Olardyń bári Reseidiń jeńil atletika quramasynyń sportshylary.
Beisenbi kúni Rio-de-Janeiroda politsiia qalaǵa Olimpiada alaýyn kirgizbeýge árekettengen adamdardy qýdy. Birneshe júzdegen narazylyq bildirýshiler qalanyń soltústik kóshesin jaýyp, alaýdy alyp júrýge kedergi keltirmek boldy. Politsiia olardy kózden jas aǵyzatyn gaz arqyly qýdy. Narazylyq aktsiiasyna qatysýshylar ekonomikalyq daǵdarys kezinde elde Olimpiada oiyndaryn ótkizýge qarsy.
Olimpiada oiyndary Rio-de-Janeiroda 5-21 tamyz aralyǵynda ótedi.
