"Qazgidromet" 13 sáýirge arnalǵan aýa raiy boljamyn usynady. Sinoptikterdiń málimetinshe, kóptegen óńirde aýa raiy qubylyp, naizaǵai oinap, ekpindi jel soǵady, dep habarlaidy Dalanews.kz.
Eldiń batys aimaqtarynda jańbyr jaýyp, naizaǵai kútiledi. Atap aitqanda, Atyraý, Mańǵystaý jáne Batys Qazaqstan oblystarynda kún raiy turaqsyz bolady. Mańǵystaý óńirinde burshaq jaýyp, daýyl turýy múmkin. Munda jel ekpini sekýndyna 23 metrge deiin jetedi dep boljandy. Al Atyraý oblysynda kúndiz nóserletip jańbyr jaýyp, burshaq túsýi yqtimal.
Ońtústik óńirlerde de jeldiń kúsheiýi kútiledi. Qyzylorda oblysynyń ortalyq jáne soltústik bólikterinde shańdy daýyl boljanyp otyr. Jel jyldamdyǵy sekýndyna 15-20 metrge deiin jetýi múmkin. Sonymen qatar Túrkistan, Almaty jáne Jambyl oblystarynda joǵary órt qaýpi saqtalady. Taýly aýmaqtarda ótkinshi jańbyr jaýyp, naizaǵai bolýy yqtimal.
Soltústik Qazaqstan oblysynda túngi ýaqytta jańbyr men qar aralas jaýyn-shashyn túsip, kóktaiǵaq bolýy múmkin. Al Aqmola, Qostanai, Abai jáne Shyǵys Qazaqstan oblystarynda tún men tańerteń qalyń tuman túsedi dep kútilýde.
Jetisý oblysyndaǵy Alakól mańynda da jel kúsheiip, onyń ekpini sekýndyna 28 metrge deiin jetýi yqtimal.
