«Qandai da bir máseleni aqyl-parasatpen sheshý kerek degendi eskere otyryp, Jer reformasy jónindegi komissiia qurý týraly naǵyz halyqtyq sheshim úshin Elbasyna Nursultan Nazarbaevqa rizashylyǵymyzdy bildirýimiz kerek dep oilaimyn. Bul elimizdiń demokratiialaný jolyndaǵy jaqsy úrdis boldy. Komissiianyń birneshe ai aiasynda júrgizgen jumysy aýqymdy, nátijeli bolǵanyna barlyǵyńyz kýásizder. Árbir komissiia múshesi naqty nátijege jetý jolynda jumys istedi. Sonymen qatar, komissiia ishinde qurylǵan tórt jumys toby kólemdi jumys atqardy», - dep atap ótti depýtat.
Onyń pikiririnshe, kún tártibine jer men eldiń taǵdyry shyǵarylandyqtan halyq óz pikir-oiyn aitýdan tys qalǵan joq. Barlyq pikirler qaralyp, saralandy.
«Meniń paiymdaýynsha, jerge qatysty túiindi máselelerdi bir sátte túbegeili sheshe salý múmkin emes. El múddesi máseleni kezeń-kezeńimen, júieli túrde júzege asyrýdy talap etedi. Ótken úsh aida biz halyqtyń pikirine qanyqtyq. Buqara talaby, halyqtyń qalaýy belgili boldy», - dep tolyqtyrdy depýtat.
«Aldaǵy ýaqytta asyqpai, jerge qatysty sheshim tappaǵan barlyq máseleni sheshý baǵytynda keshendi jumys júrgizýimiz kerek. Túbegeili osy máselemen ainalysatyn quzyrly ministrlik qaramaǵyna bul jumysty berý kerek dep oilaimyn. Ýaqyty kelgende, qajet bolsa, qaita bas qosarmyz. Sondyqtan osy toqtamǵa kelgenimiz durys dep esepteimin», - dep túiindedi ol.
