Batys Qazaqstan oblysynyń Jánibek aýdanynda belgisiz ushqyshsyz ushý apparatynyń bólshekteri tabyldy, – dep habarlaidy Dalanews.kz
"Batys Qazaqstan oblysynyń politsiia departamenti ýákiletti qyzmettermen birlese otyryp, Jánibek aýdanynda ushqyshsyz ushatyn apparattyń bólshekterine uqsas zattardyń tabylýyna qatysty tekserý jumystaryn júrgizip jatyr", - deidi politsiia departamentiniń ókilderi.
Oqiǵanyń barlyq mán-jaiy anyqtalyp jatyr.
Eske salaiyq, 18 aqpan kúni Bókeiorda aýdany Uialy aýyldyq okrýgi mańynan dron tabylǵan bolatyn. Oqiǵa ornynan túsirilgen sýretterdi jergilikti turǵyndar bólisti. Keiinirek bul aqparatty aýdan ákimi Nurlybek Daýmov rastady. Ushatyn apparattyń uzyndyǵy – 120 santimetr. Oqiǵa ornynda politsiia qyzmetkerleri men qutqarýshylar jumys istedi.
Sondai-aq 18 naýryz kúni saǵat 17:35-te Tasqala aýdanynyń Atameken aýyly (Tasqala aýylynan 60 shaqyrym soltústikte ornalasqan) turǵyndarynan politsiia bólimine belgisiz nysan tabylǵany týraly habar túsken. Aldyn ala málimet boiynsha, bul – qulaǵan pilotsyz ushý apparaty. Nysannyń uzyndyǵy – 300 sm.
