Batys Qazaqstan oblysy Syrym aýdanynyń prokýrorlary paıdalanylmaı jatqan aýyl sharýashylyǵy maqsatyndaǵy 5 myń gektardan astam jerdi memleket menshigine qaıtardy. Qaıtarylǵan jerdiń kadastrlyq quny 38 mln teńgeden asady, dep habarlaıdy Dalanews.kz.

Vedomstvonyń málimetinshe, aýdan aýmaǵyndaǵy jer paıdalanýshylar atalǵan ýchaskelerdi uzaq ýaqyt boıy maqsatqa saı paıdalanbaǵan. Osyǵan baılanysty prokýrorlyq qadaǵalaý aktileri boıynsha jer memleket menshigine ótti. Qazirgi ýaqytta bul aýmaqtar zańdy ekonomıkalyq aınalymǵa engizilip jatyr.

Prezıdent Joldaýynda aıtylǵan tapsyrmaǵa sáıkes, qaıtarylǵan jerler aýyldyq jerlerde turatyn adal jer paıdalanýshylarǵa berilmek.

Buǵan deıin Ulytaý oblysynyń prokýratýrasy da paıdalanylmaı jatqan 90 myń gektar jerdi memleketke qaıtarǵan bolatyn.