Batys Qazaqstan oblysy Shyńǵyrlaý aýdany ákimdiginde jumys istegen azamat aýrýhanada kóz jumdy, dep habarlaidy Dalanews.kz.
Politsiianyń málimetinshe, ol 11 naýryz kúni aýyr jaǵdaida Oral qalasyndaǵy meditsinalyq mekemege jetkizilgen. 16 naýryzda esin jimastan qaitys bolǵan. Dárigerler baýyrdyń toksikalyq zaqymdanýy, baýyr nekrozy jáne qant diabeti diagnozdaryn qoiǵan.
Bul derek boiynsha tergeý jalǵasyp jatyr.
Eske salaiyq, buǵan deiin óńirde sheneýnik kámeletke tolmaǵan qyzǵa zorlyq jasady degen kúdikke ilingen edi. Oqiǵa 3 qańtarda bolǵan. Jábirlenýshi taraptyń aitýynsha, 57 jastaǵy er adam qyzdy aldap úiine kirgizip, kúsh kórsetken. Keiin politsiiaǵa aryz túsip, kúdikti ustalǵan.
