QMA Batys Qazaqstan oblysy boiynsha departamenti avtomobil joldaryn kúrdeli jóndeýge bólingen biýdjet qarajatyn jymqyrý faktisi boiynsha tergeýdi aiaqtady, dep habarlaidy Dalanews.kz.
2023 jylǵy naýryzda memlekettik satyp alý qorytyndysy boiynsha «Syrym aýdandyq turǵyn úi-kommýnaldyq sharýashylyǵy, jolaýshylar kóligi jáne avtomobil joldary bólimi» MM men «Sapak» óndiristik kooperativi arasynda Jympity aýylyndaǵy joldardy jóndeýge 259 mln teńge somasyna shart jasalǵan.
Alaida «Sapak» ÓK direktory «Ak-Bi» JShS-niń direktory sóz bailasyp, senip tapsyrylǵan qarajatty iemdený shemasyn uiymdastyrǵan.
Kúdiktiler oryndalǵan jumystar aktilerine jalǵan málimetterdi júieli túrde engizip otyrǵan. Qujattarda asfalt tóseý, jer qazý, betondaý, sý qubyrlaryn júrgizý jáne basqa da jol jumystary tolyq kólemde kórsetilgenimen, is júzinde olar oryndalmaǵan nemese áldeqaida az kólemde atqarylǵan.
Jalǵan aktiler negizinde tapsyrys berýshi biýdjet qarajatyn «Sapak» ÓK-niń esepshotyna aýdaryp otyrǵan. Keiin qarajat shemaǵa qatysýshylar arasynda bólingen.
Memleketke keltirilgen materialdyq zalal 56,5 mln teńgeni qurady.
Sot sanktsiiasymen kúdiktilerdiń biriniń páterine tyiym salyndy.
Olarǵa qatysty eshqaida ketpeý jáne tiisti minez-qulyq týraly qolhat túrindegi bultartpaý sharasy qoldanyldy.
Qylmystyq is sotqa joldandy.
Budan bólek, buǵan deiin sot úkimimen «Syrym aýdandyq turǵyn úi-kommýnaldyq sharýashylyǵy, jolaýshylar kóligi jáne avtomobil joldary bólimi» MM basshysy laýazymdyq ókilettikterin teris paidalanǵany úshin kináli dep tanylǵan.
