Batys Qazaqstan oblysy politsiia departamentiniń kóshi-qon qyzmeti aliment tóleýden jaltarǵan, izdeýde júrgen 48 jastaǵy er adamdy anyqtady. Izdestirý sharalary barysynda er adamnyń Resei Federatsiiasy aýmaǵynda júrgende tegi men ákesiniń atyn ózgertip, Resei azamattyǵy men tólqujatyn alǵany belgili boldy. Osylaisha, ol quqyq qorǵaý jáne shekara qyzmetterin aldap, Qazaqstan Respýblikasynyń shekarasyn kedergisiz kesip júrgen, dep jazady Dalanews.kz.
QR IIM baspasóz qyzmetiniń málimetinshe, júrgizilgen jumystar nátijesinde onyń qos azamattyǵy bar ekeni dáleldendi.
"Sot sheshimi boiynsha quqyq buzýshy ákimshilik jaýapkershilikke tartylyp, 540 myń teńge kóleminde aiyppul salyndy", delingen politsiia habarlamasynda.
2024 jyldyń 12 aiynda oblys politsiiasy qos azamattyq alýdyń 57 faktisin anyqtaǵandaryn da naqtylaidy.
Buǵan deiin endi aliment alýshylarǵa bankten shot ashý kerek bolatynyn jazǵan edik.
