Bos oryndar jármeńkesi – 2021
Osy kezdesýlerdiń túiini retinde 2021 jyldyń 9 sáýirinde «Bos oryndar jármeńkesi - 2021» ótkizildi. Jármeńkeni akademiialyq máseleler jónindegi prorektor Asan Sátmyrzaev ashty. Jármeńkege akademiialyq máseleler jónindegi departament direktory Hairýlla Janbekov, «Mansap» ortalyǵynyń basshysy Gýlira Úsein, Abai atyndaǵy QazUPÝ doktoranty Jetibai Raqymberdi, Almaty qalasy bilim basqarmasyna qarasty orta bilim berý uiymdary, Almaty oblysy bilim basqaramsyna qarasty aýdandyq bilim bólimi basshylary, mektep direktorlary, Jambyl oblysy bilim basqarmasy ókilderi, Aqmola oblysy bilim basqarmasy ókilderi, BINOM SCHOOL mektepter jelisi, «Qarjy ortalyǵy» AQ ókilderi, Atyraý oblysy bilim basqaramsynyń aýdandyq bilim bólimi basshylary qatysty. Kezdesý barysynda ár oblys ózine qajetti mamandarǵa suranystar týraly aqparat berdi. Ýniversitettiń «BAGDAR» platformasy tanystyryldy. Túrli suraqtar qoiylyp, jaýaptar berildi.
Jármeńke barysynda «BAGDAR» platformasyna engizilgen elimizdiń 10 aimaǵynyń 357 mekemesinen kelgen 945 bos jumys oryny ýniversitet túlekterine usynyldy. Budan ózge jumys berýshiler tarapynan ýniversitet túlekterine 2000-ǵa jýyq bos oryndarǵa shaqyrtýlar boldy. Jármeńke sońynda jumys berýshiler tarapynan usynylǵan bos oryndarǵa stýdentter baratynyn málimdedi. Qosymsha aqparat retinde ártúrli ústem aqylar, jáne biylǵy jylǵy jumysqa qabyldaýdaǵy ózgerister sóz boldy. Jumys berýshiler ýniversitet tarapynan júrgizilip jatqan «Pedagogtik qaita daiarlaý» kýrsyna qyzyǵýshylyq tanytyp, osy joba barysynda birge jumys isteitinderin jetkizdi.
