Abaı atyndaǵy Qazaq ulttyq pedagogıkalyq ýnıversıteti kóp jyldardan beri túlekterin jumysqa ornalastyrý úshin qarqyndy jumys júrgizip keledi. Bıylǵy jyly da ýnıversıtet rektory Takır Balyqbaevtyń bastamasymen 2021 jyldyń 2 sáýirde «Jumys berýshiler aptalyǵy» jarıalandy. «Jumys berýshiler aptalyǵy» aıasynda Almaty oblysy bilim basqarmasy, Soltústik Qazaqstan oblysy bilim basqarmasy, BINOM SCHOOL mektepter jelisi, Almaty qalasy bilim basqarmalarymen jeke kezdesýler ótkizildi. Kezdesýler barysynda stýdentter suraqtar qoıyp, tıisti jaýaptaryn aldy. Ýnıversıtet pen bilim basqarmalary birigip jumys isteýdiń oń sheshimderin qarastyrdy.

 

Osy kezdesýlerdiń túıini retinde 2021 jyldyń 9 sáýirinde «Bos oryndar jármeńkesi - 2021» ótkizildi. Jármeńkeni akademıalyq máseleler jónindegi prorektor Asan Sátmyrzaev ashty. Jármeńkege akademıalyq máseleler jónindegi departament dırektory Haırýlla Janbekov, «Mansap» ortalyǵynyń basshysy Gýlıra Úseın, Abaı atyndaǵy QazUPÝ doktoranty Jetibaı Raqymberdi, Almaty qalasy bilim basqarmasyna qarasty orta bilim berý uıymdary, Almaty oblysy bilim basqaramsyna qarasty aýdandyq bilim bólimi basshylary, mektep dırektorlary, Jambyl oblysy bilim basqarmasy ókilderi, Aqmola oblysy bilim basqarmasy ókilderi, BINOM SCHOOL mektepter jelisi, «Qarjy ortalyǵy» AQ ókilderi, Atyraý oblysy bilim basqaramsynyń aýdandyq bilim bólimi basshylary qatysty. Kezdesý barysynda ár oblys ózine qajetti mamandarǵa suranystar týraly aqparat berdi. Ýnıversıtettiń «BAGDAR» platformasy tanystyryldy. Túrli suraqtar qoıylyp, jaýaptar berildi.

Jármeńke barysynda «BAGDAR» platformasyna engizilgen elimizdiń 10 aımaǵynyń 357 mekemesinen kelgen 945 bos jumys oryny ýnıversıtet túlekterine usynyldy. Budan ózge jumys berýshiler tarapynan ýnıversıtet túlekterine 2000-ǵa jýyq bos oryndarǵa shaqyrtýlar boldy. Jármeńke sońynda jumys berýshiler tarapynan usynylǵan bos oryndarǵa stýdentter baratynyn málimdedi. Qosymsha aqparat retinde ártúrli ústem aqylar, jáne bıylǵy jylǵy jumysqa qabyldaýdaǵy ózgerister sóz boldy. Jumys berýshiler ýnıversıtet tarapynan júrgizilip jatqan «Pedagogtik qaıta daıarlaý» kýrsyna qyzyǵýshylyq tanytyp, osy joba barysynda birge jumys isteıtinderin jetkizdi.