Qairat Boranbaevtyń biznestegi seriktesine nege izdeý jariialanǵany belgili boldy,- dep habarlaidy Dalanews.kz.
Aita keteiik, buǵan deiin NEF Qazaqstan kompaniiasynyń quryltaishysy ári basshysy Taryk Volkan Oskaiǵa izdeý jariialandy. Aqparat Quqyqtyq statistika organdarynyń portalynda paida boldy. Bul is 18 sáýirde Almatyda tirkelgen.
Jańa derek: oǵan nege izdeý jariialandy?
Almaty PD málimetinshe, Bostandyq aýdandyq politsiia basqarmasy alaiaqtyq deregi boiynsha qylmystyq isti tergep jatyr.
"Azamat O. qylmystyq is boiynsha syrttai kúdikti retinde tanyldy. Oǵan sot "qamaýda ustaý" sharasyn syrttai sanktsiialady. Qazir kúdiktiniń ornalasqan jerin anyqtaýǵa jáne ony ustaýǵa baǵyttalǵan jedel izdestirý is-sharalary júrgizilip jatyr", - dep jazylǵan habarlamada.
Kásipkerdiń Boranbaevqa ne qatysy bar?
Túrkiianyń týmasy Taryk Volkan Oskai Qairat Boranbaevpen birge zańsyz satyp alynǵan aktivterdi qaitarý sheńberinde memleketke berilgenge deiin Comfort Hotel Astana qonaqúi keshenin baqylaǵan "Roial Komfort Astana" kompaniiasyna ielik etken.
Oǵan qosa quryltaishysy Boranbaev sanalatyn "Almaly" (Almaly Assets Management) aktivterdi basqarý kompaniiasynda jumys istegen.
Qairat Boranbaev pen Taryk Volkan Oskai birlesip ielengen Comfort Hotel Astana qonaqúi kesheni byltyr jańa iesin tapqan edi.
Qonaqúi "Invesco PowerShares Capital Management" JShS-niń senimgerlik basqarýyna, iaǵni amerikalyq Invesco PowerShares kompaniiasynyń qazaqstandyq ókildigine berildi.
NEF Qazaqstan týraly
Aita keteiik, NEF Qazaqstan kompaniiasy túrkiialyq NEF qurylys holdinginiń quramyna kiredi.
2023 jyly kúzde NEF Qazaqstan kompaniiasy Astana International Exchange (AIX) alańynda defortqa ushyraǵan bolatyn. Kompaniia 4 mlrd teńge kólemindegi negizgi qaryz ben 402 mln teńgeden asa kýpondyq tólemdi ótei almaǵan.
Buǵan deiin bul qarjy Almaty qalasynda salynyp jatqan Green Center turǵyn úi keshenine jumsalǵany aityldy.
