Sondai-aq, sotta advokat Bolat Nazarbaevtyń meditsinalyq qujattaryn qosýdy surady.
«Bul jaǵdaida naýqas Bolat Ábishulynyń tergeý áreketterine, sondai-aq sot otyrysyna qatysa almaityny kórsetilgen. Ol tez sharshap qalady. Aiaq-qolynda kúsh pen disfýnktsiia álsiregendikten, qozǵalys ta joq. Ol óz betinshe qozǵala almaidy, sol sebepten múgedek arbasymen ǵana júredi», – dedi Nazarbaevtyń advokaty sotta.
Az-kem aqparat retinde aita ketsek, 70 jastaǵy Bolat Nazarbaev buǵan deiin «biznesimdi kúshpen tartyp aldy» degen «Almaty áinek» kompaniiasynyń basshylyǵyn «jala japty» dep qarsy shaǵym túsirgen edi. Al sot B.Nazarbaevtyń dertke shaldyqqanyn jáne fizikalyq jaǵynan eshkimge ziian tigize almaitynyn eskerip, úkim shyǵarǵan.
Nazarbaevtyń ókilderi moraldyq shyǵyndy óteý retinde 1,5 million teńge talap etti. Sot talap aryzdy ishinara qanaǵattandyryp, Abdýllaevten 500 myń teńge óndirý týraly sheshim shyǵardy.
«Buqaralyq aqparat quraldarynda taratý faktisiniń bolýyn, taratylǵan aqparattyń aqiqatyna sáikes keletin mán-jaidyń joqtyǵyn, qozǵalǵan qylmystyq isterdiń jáne qylmystyq jaýapkershilikke tartý týraly sot aktisiniń faktileriniń joqtyǵyn eskere otyryp, saraptama qorytyndysy boiynsha sot talapkerdiń talaptary ishinara qanaǵattandyryldy degen qorytyndyǵa keldi», – delingen Almaty qalasy Áýezov aýdanynyń №2 sotynyń qaýlysynda.
Iaǵni, «Sot otyrysynda talapkerdiń aýrýyna bailanysty nemese ózge de sebepter boiynsha áreketke qabiletsiz dep tanylǵany jáne oǵan qorǵanshylyq belgilenetini týraly dálelder alynǵan joq», – delingen sot aktisinde.
