Bizdiń bul sózimizge jastardyń qarttarǵa kómek kórsetip, balalar úiiniń tárbielenýshilerine ýaqyt bólip, is-sharalar uiymdastyryp júrgeni aiqyn dálel bola alady. «Bolashaq» qaýymdastyǵynyń Almaty qalalyq filialynyń baǵyttarynyń biri qaiyrymdylyq kómek kórsetý bolyp tabylady, sonyń aiasynda jyl saiyn birneshe is-sharalardy uiymdastyrýdy dástúrge ainaldyrǵan. Sondai is-sharanyń biri – boýling týrniri. 5 jyldan beri úzdiksiz uiymdastyrylyp kele jatqan týrnirde jinalǵan qarajatqa «Nur» qaiyrymdylyq otbasylyq balalar úiine, Esenovtar qaiyrymdylyq balalar úiine jáne múmkindigi shekteýli balalarǵa járdem kórsetilgeni belgili. Taiaýda ǵana týrnirde óz deńgeiinde ótip, qairymdy ister jalǵasyn tapty. Týrnirdiń sátti uiymdastyrylýy demeýshilerdiń qoldaýynyń arqasynda bolǵanyn aita ketýimiz kerek. Jeńimpazdarǵa «Samsung Electronics Central Eurasia», «Fidelity» fitnes klýby, «OneCard» diskonttyq klýby, «PowerSport» sporttyq dúkeni atynan baǵaly syilyqtar tabys etti. Al «DailyFreshMeal» pitstseriiasy, «RG Brands» kompaniiasy «Pepsi» saýda belgisimen, «Rosinka BIO» aýyzsýy, «GingerSushi» sýshi bary qatysýshylar úshin dámdi dastarhan uiymdastyrdy. Týrnir ótkizetin oryndy «Bastau» oiyn-saýyq kesheni berdi.
Qalyptasqan dástúr boiynsha týrnir qatysýshylary «Bolashaq» stipendiiasynyń túlekteri men Almaty qalasynyń belsendi jastary boldy. Týrnir jeńimpazy, «Bolashaq» baǵdarlamasynyń túlegi Maqsat Ábdildaevtyń aitýynsha, «oiyn óte qyzyqty da tartysty, ári kóńildi ótti». Sondai-aq, týrnir qatysýshysy «Bolashaq» baǵdarlamasynyń túlegi Dýman Nurbaev, «boýling týrniri «Bolashaq» baǵdarlamasynyń túlekterine qaiyrymdylyqqa qatysýǵa jáne stipendiattar arasynda tanystyq ornatyp, bir-birimen aralasýǵa múmkindik beredi», – dep óz oiyn ortaǵa saldy.
Tartysty oiyn nátijesinde júldeli oryndar tómendegidei úlestirildi:
1 oryn – Ábdildaev Maqsat;
2 oryn – Kuljabai Mýhametjan;
3 oryn – Kýmpeisov Almas.
Biylǵy jyly jinalǵan qarajat tserebraldy sal aýrýymen aýyratyn 5 jasar Gritsenko Demidke arnaiy ortopediialyqaiaq kiim men tósek-oryn alýǵa jumsalady.
