Bódene ósirip, paidasyn kórýde
Nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan baǵdarlamasy aiasynda Ordabasy aýdany, Jeńis aýylynyń turǵyny Aqmaral Jumanova "Bastaý biznes" jobasyna qatysyp, 1 ai kásipkerlik negizderin oqyp meńgerdi.
Alǵan bilimin iske asyrý maqsatynda bódene qusyn ósirýdi qolǵa aldy. Búginde kásipker sharýashylyǵyndaǵy bódeneniń sany 100-den asqan. Endigi kezek, fermany zamanaýi úlgide qaita jabdyqtap, qus basyn kóbeitý úshin qarqyndy jumystar júrgizilýde. Qyzyǵy sol, Aqmaral memleket tarapynan beriletin jeńildetilgen nesieden bas tartyp, kásipkerligin damytýǵa investor tabatynyn málimdeýde.
– Árine, memlekettik qoldaý úshin alǵystan basqa aitarym joq. Búginde bódene jumyrtqasyn satylymǵa shyǵaryp, paidasyn kórip kelemin. Bul isime qyzyǵýshylyq tanytqan aǵaiyn-týysym fermany keńeitýge qarjy salýǵa kelisip otyr, – dep túsindirdi kásipker bul áreketin.
Aqmaraldyń aitýynsha, qazirgi tańda jylyna orta eseppen 10 myń jumyrtqany satylymǵa shyǵarýda. Keleshekte bul kórsetkishti eselep, turǵyndardy da jumyspen qamtitynyn jetkizdi.
https://dalanews.kz/31510
