Astanada qoǵamda rezonans týdyrǵan blogerler isi boiynsha sot protsesi jalǵasyp jatyr. Sot otyrysynda Erbolat Janábilovtiń jubaiy Elmira Tólegenova sońǵy sózin sóiledi, dep habarlaidy Dalanews.kz.
Onyń aitýynsha, bolǵan jaǵdaidan keiin olar tiisti qorytyndy shyǵarǵan. Bul oqiǵa ózderi úshin úlken sabaq bolǵanyn jetkizdi.
«Biz zań buzǵanymyz úshin shyn júrekten ókinemiz. Qurmetti sot, maǵan jáne jubaiyma bas bostandyǵynan aiyrýmen bailanysty emes jaza taǵaiyndaýyńyzdy suraimyn. Sondai-aq siz keńesý bólmesine ketkenge deiin protsestik kelisim jasaý týraly ótinish bildiremin», – dedi Elmira Tólegenova.
Osydan keiin sot ótinishhat boiynsha sheshim qabyldaý úshin keńesý bólmesine ketti. Is boiynsha túpkilikti sheshim jaqyn ýaqytta jariialanýy múmkin.
Aita keteiik, Elmira Tólegenova densaýlyǵyna bailanysty sotqa jeke kele almaǵandyqtan, otyrysqa onlain formatta qatysty.
