Jelide jalt-jult etip júretin bloger Almas Toqabaev óziniń Feisbýk paraqshasynda alys Amerikada oryn alyp jatqan jaǵdai týrasyndaǵy oiyn ortaǵa salyp, «Amerikany uly qylýdy» oilaǵan Tramptyń saiasatyna qatysty oiyn bylaisha tápsirlepti.
– Tramp kele sala trampyldatqanyna kýá boldyq. Maqsaty «Amerikany uly qylý» eken. Kelgen betti zańsyz migranttardy qýdy, basqalarǵa esikti tars japty. AQSh halqynyń esine «Erkekti erkek, áiel áiel» dep ataý kerek ekenin eskertti. Bul az deseńiz, Qytaimen saýda soǵysyn tutatyp jiberdi. Osynyń bári bir-aq kúnde júzege asyrǵan, Tramp naǵyz er eken.
Ainalasyna kil bai-manapty jinap alǵan. Ilon Mask bastaǵan jeti-segiz miliarder júr. Árqaisy bir jaýapty salanyń tizginin ustap úlgerdi.
Solardyń arasynda kartopty jarǵan Ilon kóke boldy.
Ol atynan at úrketin USAID uiymyn bir tvitpen jaýyp tastady. Onysymen qoimaý «Bul qylmystyq uiym» dep baǵa berip, biraq kesti.
USAID-tiń LGBT men Ál-Kaidaǵa deiin aqsha shashqanyn aidai álemge áshkere qyldy. Ishinde biz de barmyz.
Baiqaisańyz, bizdegi gei, transvestitterdiń uiymdary USAID-tyń arqasynda ishi mailanyp júrgen edi. Endi trans hám gei bolýdyń tiimdiligi trendten qalatyny anyq.
Trampqa qaita oralasqa, USAID-tyń basyn alǵan AQSh prezidenti endi USAGM-di esekke tiris mingiýi múmkin. Bul – «Amerika daýysy», «Azat Eýropa» siiaqty BAQ-ty qarjylandyratyn uiym ǵoi.
Ilon kóke turdy da «Eýropany bireý basyp alǵan joq, ózderi azat kontinent, jabý kerek» dep óziniń H jelisinde ashyp aitty. «Azat Eýropanyń» Praga biýrosyna bizdiń jáne Ortalyq Aziianyń Azattyq radiolary qaraityny belgili. Aitpaqshy, olardyń ailyǵy dollarmen tólenetinin bilemiz ǵoi. Biraq olar táýelsiz...
Ilon Mask endi bul báleni toqtatsa eldegi transvestitter men «táýelsiz jýrnalisterdiń» laksheri ómiri qalai ózgeretinin kóz aldymyǵa elestete almai otyrmyz. Olar úshin endi jylyjailyq jaǵdai kelmeske ketkeni anyq, – deidi býra bloger Almas Toqabaev.
