Talǵardyń Azat aýylynda qaza tapqan Sherzat Bolattyń ákesi Qarjaýbai Nurymov qazaq halqyna úndeý jasap, jaǵdaiǵa sabyrmen qaraýǵa shaqyrdy. Ol bilik organdarynyń oqiǵaǵa bailanysty jumys istep jatqanyn aityp, kinálilerdiń ádil sot aldynda jaýap beretinine úmit artty, dep habarlaidy Dalanews.kz.
«Qazaq eline aitarym – bizge qantógis kerek emes. Quzyrly organdar isti óz baqylaýyna aldy, barlyǵy zań aiasynda sheshiledi dep senemin. Men eshkimnen qoryqpaimyn, kim kelse de jaýap bere alamyn. Eń bastysy, tynysh jatqan elde dúrbeleń týmasa eken. Ádiletti Qazaqstan quramyz desek, bir qazaq ekinshi qazaqqa qarý kezenbeýi kerek», – dedi Nurymov.
Aita keteiik, 12 qazanǵa qaraǵan túni Talǵar tragediiasynda qaza tapqan Sherzat Bolattyń úii órtenip ketti. Bul týraly áleýmettik jelide habarlana bastady.
Bul derekke Politsiia departamenti jaýap berdi. 12 qazanǵa qaraǵan túni Eńbekshiqazaq aýdany Azat aýylyndaǵy úilerdiń birinde órt boldy.
Politsiia bótenniń múlkin qasaqana joiý deregi boiynsha qylmystyq is qozǵady.
Tergeý aiasynda kýágerlerden jaýap alynyp jatyr, sondai-aq beinebaqylaý kameralarynyń jazbalary zerttelip jatyr.
Artynsha Sherzat Bolattyń otbasyn politsiia kúzetetini belgili boldy.
Búgin, 12 qazanda Bas prokýratýranyń basshylyǵymen qylmysty ashý úshin vedomstvoaralyq jedel-tergeý toby quryldy.
Kinálilerdi áshkereleý úshin barlyq sharalar qabyldanatyn bolady. Qylmystyq is Qazaqstan Respýblikasy Bas Prokýrorynyń baqylaýyna alyndy.
