Qazir Astana, Almaty, Shymkent, Semei, Pavlodar, Óskemen, Petropavl degen nán qalalar osy beldeýde jatyr. Kúlli Qazaqstan halqynyń 76%, iaǵni, 15 millionnan astam adam osy beldeýdiń geografiialyq saǵatymen ómir súredi.
Búgin Úkimette saýda jáne integratsiia ministri Arman Shaqqaliev ótkir málimdeme jasady. «Keńestik kezeńde Qazaqstandaǵy saǵat 8 ret aýysqan! Jospar oryndaý kereý, sotsalistik jarys uiymdastyrý kerek boldy, ekonomikaǵa kerek boldy. Osy sebepten de biz eshqashan tabiǵi ýaqytpen júrip kórmedik. Al, qazirgi ómir súrip otyrǵan ýaqytymyz ol geografiialyq ýaqyt, tabiǵi ýaqyt» – dedi ministr.
– Arnaiy bilimi joq, túsinigi shamaly adamdar el ishine ártúrli áńgime taratyp, ýaqytty keri qaitarýǵa áreket etip jatqanyn bilemin. Biraq, ol áreket zaia. Qazirgi ýaqyttyń tiimdiligin energetika ministrligi de maquldap otyr, elektr qýatyn tutynýda ózgeris joq. Densaýlyq saqtaý ministrligi de tolyq tekserý jasap, halyq saýlyǵyna qalai áser etkenin qadaǵalap otyr. Sondyqtan, eldi dúrliktire bermei, tynysh júrý kerek, – dedi Shaqqaliev.
Shyǵys Qazaqstannyń shetki aýdandary, Ridder qalasy UTC+6 beldeýine jatady, alaida, bir aýdan úshin bir beldeý ustaýdyń ne qajeti bar?
Keshe bir shyǵystyń adamy Qaton-Qaraǵaidaǵy Barlyq aýylynyń bir videosyn jiberipti. "Kún batyp bara jatyr, saǵat 13:45 boldy" depti.
– Ol kún byltyr 14:45 te batty. Al, sol bir saǵattan ne ózgeredi? Ne istei alasyń bir saǵatta?
Ózgertseń birjola 5 saǵatqa ózgert, qysta 18:45 te kún batatyn etip. Bolmasa, "14:45 te kún batatyn bolsyn" dep daý shyǵarýdyń, "byltyrǵy ýaqytty qaitar" dep zar ileýdiń qandai máni bar???
Ótkende Shyǵys Qazaqstannan sailanǵany bar, sailanbaǵany bar depýtattar málimdeme jasaǵan, "úitemiz de búitemiz, ýaqytty keri qaitaramyz" dep... Búgin Shaqqalievti estidi, erteń plenarkadan keiin ne aitar eken.
Almas ALTAI
