ءقازىر استانا، الماتى، شىمكەنت، سەمەي، پاۆلودار، وسكەمەن، پەتروپاۆل دەگەن ءنان قالالار وسى بەلدەۋدە جاتىر. كۇللى قازاقستان حالقىنىڭ 76%، ياعني، 15 ميلليوننان استام ادام وسى بەلدەۋدىڭ گەوگرافيالىق ساعاتىمەن ءومىر سۇرەدى.
بۇگىن ۇكىمەتتە ساۋدا جانە ينتەگراسيا ءمينيسترى ارمان شاققالييەۆ وتكىر مالىمدەمە جاسادى. «كەڭەستىك كەزەڭدە قازاقستانداعى ساعات 8 رەت اۋىسقان! جوسپار ورىنداۋ كەرەۋ، سوساليستىك جارىس ۇيىمداستىرۋ كەرەك بولدى، ەكونوميكاعا كەرەك بولدى. وسى سەبەپتەن دە ءبىز ەشقاشان تابيعي ۋاقىتپەن ءجۇرىپ كورمەدىك. ال، قازىرگى ءومىر ءسۇرىپ وتىرعان ۋاقىتىمىز ول گەوگرافيالىق ۋاقىت، تابيعي ۋاقىت» – دەدى مينيستر.
– ارنايى ءبىلىمى جوق، تۇسىنىگى شامالى ادامدار ەل ىشىنە ءارتۇرلى اڭگىمە تاراتىپ، ۋاقىتتى كەرى قايتارۋعا ارەكەت ەتىپ جاتقانىن بىلەمىن. ءبىراق، ول ارەكەت زايا. قازىرگى ۋاقىتتىڭ تيىمدىلىگىن ەنەرگەتيكا مينيسترلىگى دە ماقۇلداپ وتىر، ەلەكتر قۋاتىن تۇتىنۋدا وزگەرىس جوق. دەنساۋلىق ساقتاۋ مينيسترلىگى دە تولىق تەكسەرۋ جاساپ، حالىق ساۋلىعىنا قالاي اسەر ەتكەنىن قاداعالاپ وتىر. سوندىقتان، ەلدى دۇرلىكتىرە بەرمەي، تىنىش ءجۇرۋ كەرەك، – دەدى شاققالييەۆ.
شىعىس قازاقستاننىڭ شەتكى اۋداندارى، ريددەر قالاسى UTC+6 بەلدەۋىنە جاتادى، الايدا، ءبىر اۋدان ءۇشىن ءبىر بەلدەۋ ۇستاۋدىڭ نە قاجەتى بار؟
كەشە ءبىر شىعىستىڭ ادامى قاتون-قاراعايداعى بارلىق اۋىلىنىڭ ءبىر ۆيدەوسىن جىبەرىپتى. "كۇن باتىپ بارا جاتىر، ساعات 13:45 بولدى" دەپتى.
– ول كۇن بىلتىر 14:45 تە باتتى. ال، سول ءبىر ساعاتتان نە وزگەرەدى؟ نە ىستەي الاسىڭ ءبىر ساعاتتا؟
وزگەرتسەڭ ءبىرجولا 5 ساعاتقا وزگەرت، قىستا 18:45 تە كۇن باتاتىن ەتىپ. بولماسا، "14:45 تە كۇن باتاتىن بولسىن" دەپ داۋ شىعارۋدىڭ، "بىلتىرعى ۋاقىتتى قايتار" دەپ زار يلەۋدىڭ قانداي ءمانى بار؟؟؟
وتكەندە شىعىس قازاقستاننان سايلانعانى بار، سايلانباعانى بار دەپۋتاتتار مالىمدەمە جاساعان، "ۇيتەمىز دە بۇيتەمىز، ۋاقىتتى كەرى قايتارامىز" دەپ... بۇگىن شاققالييەۆتى ەستىدى، ەرتەڭ پلەناركادان كەيىن نە ايتار ەكەن.
الماس التاي
