Biz olardy «Bolashaqpen» oqytamyz, olar bolsa túrmege túsedi
Bul týraly QazAqparat habarlady.
«Memlekettik qyzmetke adam halyqqa qyzmet kórsetemin dep keledi. Biz olardy tárbielep, tájiribemizben bólisip, «Bolashaqpen» oqytamyz, al olar bolsa, túrmege túsedi. Árine, ókinishti jait! Men olar úshin ata-analarynan da asa alańdaimyn. Bul memlekettik múdde men senimdi satý dep oilaimyn. Qazir tergeýde 2900 adam otyr, biraq bul olarǵa toqtaý sala almaýda», — dedi Nursultan Nazarbaev búgingi Úkimet jiynynda.
«Bizde júzege asyrylatyn barlyq reforma qarjylandyrylady. Trilliondap aqsha bólinedi. Byltyr Esep komiteti anyqtaǵan qarjylyq zań buzýshylyq 160 mlrd teńgeni kórsetti. 47 jaýapty tulǵa ákimshilik jaýapkershilikke, 223 basshy tártiptik jazaǵa tartyldy. Quqyqqorǵaý organdarynyń qolyna qat-qat materialdar ótkizildi. Máselen, jemqorlyq boiynsha byltyr 2900 jaýapty tulǵa jaýapqa tartyldy», — dedi Elbasy.
