"Biz menıngokok ınfeksıasyn juqtyrǵandar men qaıtys bolǵandardyń sanyn jasyrmaımyz. Qazir karantın jarıalaýdyń qajeti joq. (...) Qazaqstandyqtardan dárigerler aıtqan keńesterdi tyńdaýlaryn suraımyz", - dedi Birtanov.
Sondaı-aq, mınıstr jýrnalıserdiń suraqtaryna jaýap bere otyryp, óziniń balalaryn menıngokok ınfeksıasynan vaksınasıalamaǵanyn aıtyp ótti.
Osyǵan deıin mınıstr Qazaqstanda 2018 jyldyń basynan beri menıngokok ınfeksıasynan 12 adamnyń qaıtys bolǵanyn málimdegen edi.
Eske sala keteıik, keshe, 3 maýsymda Almaty oblysynda 19 jastaǵy qyzdyń menıngokok ınfeksıasynan qaıtys bolǵany habarlanǵan edi. Sondaı-aq, búgin Qyzylordada 27 jastaǵy er adamnyń menıngokok ınfeksıasynan qaıtys bolǵany aıtyldy.
Buǵan qosa Birtanov menıngıtten vaksınasıalaýǵa qatysty pikir bildirdi.
"Normatıvtik-quqyqtyq bazamyzǵa sáıkes, vaksınasıa boıynsha sheshimdi juqpaly arýlar boıynsha ulttyq koordınasıalyq konsýltatıvtik komıteti shyǵarady. Otyrys ótken aptada ótken, oǵan ınfeksıonıster men epıdemıologtar endi.
Olar vaksınasıa engizý máselesin qazir erte jáne menıngıt boıynsha vaksınasıa júrgizýdi ulttyq kúntizbege engizýge qajettiligi joq degen sheshim shyǵardy.
Bul tıimsiz ári shyǵyny kóp shara bolar edi", - dep málimdedi mınıstr. "Aýrý juqtyrǵandardyń sany ortasha-baqylaýdaǵy deńgeıde", - dedi Eljan Birtanov.
Derekkóz: kaz.tengrinews.kz
