Bir top jas Shymbulaqtaǵy kabinaǵa tas laqtyrǵan. Bul jaitqa qatysty kýrorttyń direktory pikir bildirdi, - dep habarlaidy Dalanews.kz.
Bul týraly "Shymbulaq" taý-shańǵy kýrortynyń direktory Rinat Abdrahmanov áleýmettik jelidegi paraqshasynda jazdy.
"Búgingi kúni mádeniet pen syĭlastyqtan jurdaĭ keĭ jastar óz dárejelerin ashyq aĭýandyqqa deĭin túsiretinderi yza keltiredi. Búgin men bir top mádenietsiz jastardyń kabinaǵa tas laqtyryp, onymen qoĭmaĭ balaǵat sózder aĭtyp jatqan videosyn kórdim.
Kabinada adamdar - elimizdiń qonaqtary bolýy múmkin ekendigin múldem oĭlap turǵan joq. Istiń artyn oĭlamaĭ, bireýdiń múlkine zalal keltirip turǵandarynda isteri joq. Osyndaĭ masqara iske kýá bolǵan týrist ne oĭlaĭdy? Bul adamdar tek naqty bir zatqa ne adamǵa qastandyq jasap turǵan joq - olar bizdiń ulttyq imidjge nuqsan keltirip tur. Bul “jastyqpen jasalǵan is” emes, bul - ultty masqaralaý. Buzaqylyq jazasyz qalmaĭdy! Qatań shara qoldanbasaq, qoǵamdaǵy degradatsiianyń tamyrlaýyna jol beremiz, olaĭ jasaýǵa bolmaĭdy. Zań men tártip elimizdegi mádeniet pen adamgershilikti kúzetýi tiis!", - dep jazdy ol.
Eske salaiyq, kúni keshe Almatyda aspaly jol kabinasyna tas laqtyrǵan jastardyń áreketi videoǵa túsip qalǵan bolatyn.
Videodan bir top jastyń aspaly jol kabinasyna kezek-kezek tas laqtyrǵanyn kórýge bolady.
"Taýyp, kózderin kókshitip, qamaý kerek shyǵar. Osylar - Almatyǵa kelip, dambal tozdyryp, áke-sheshelerin kúidirip júretinderdiń sortynan ǵoi. Buzyqtyq pa, balalyq pa, mádenietsizdik pe?!", - dep jazdy jýrnalist, Respublica partiiasy Jetisý oblystyq filialynyń tóraǵasy Rishat Asqarbekuly.
Bul video jeli qoldanýshylarynyń narazylyǵyn týdyrdy.
Almaty politsiia departamentiniń resmi ókili Saltanat Ázirbek Massaget.kz tilshisine osy jaitqa qatysty túsinik bergen.
"Atalǵan derek boiynsha Medeý aýdandyq politsiia basqarmasynyń qyzmetkerleri tekserý jumystaryn júrgizip jatyr. Quqyq buzǵan jas jetkinshekter mindetti túrde anyqtalyp, tiisti jaýapkershilikke tartylady", - dedi Ázirbek.
