Bir milliard dollary kimge buiyrady?
«2012 jyldyń shilde aiynda alty adamǵa, onyń biri Gúlnár Karimovaǵa qatysty qylmystyq is qozǵaldy. Olar kóleńkeli aqshanyń izin jasyrmaq boldy dep aiyptalady. Shveitsariia prokýratýrasy ázirge 800 mln frankti (shamamen 784 mln AQSh dollary) buǵattap otyr. Bul is 19 eldiń quqyqtyq kómegimen júzege asyryldy», – delingen Shveitsariianyń federaldy prokýratýrasy taratqan málimdemede.
«Bern deklaratsiiasy» táýelsiz uiymynyń sarapshysy Olive Longshan Gúlnár Karimovanyń isi halyqaralyq quqyqtanýda eń bylyqqa batqan is ekenin aitady.
"Negizinde buǵattalǵan aqsha men bailyqtyń jalpy somasy 1 mlrd dollar. Ekinshiden, bul isti 19 eldiń zańgerleri qarap jatyr. Bul máselede atalǵan elderdiń zań ókilderi arasynda kikiljińniń týyndaýy zańdy," – deidi Olive Longshan.
Sol sebepten Shveitsariia prokýratýrasy tezirek isti sotqa berýge múddeli deidi sarapshy Longshan.
Le Temps gazetiniń 19 qazanynda jaryq kórgen maqalasynda buǵattalǵan aqshaǵa negizinen Ózbekstan, AQSh jáne Gollandiia talasyp otyrǵany aitylǵan. Resmi Tashkent ózbek aqshasyn elge qaitarýdy talap etedi. AQSh bolsa, qarjy jymqyrý amerika bankteri arqyly júzege asqan deidi. Al Gollandiia bolsa, para bergen óz eliniń kompaniiasy, bul gollandyqtardyń aqshasy dep esepteidi.
https://dalanews.kz/13589
