Bir kúnde elimizdiń bes óńirinde jańǵyrtýdan ótken 9 temirjol vokzaly paidalanýǵa berildi, dep habarlaidy dalanews.kz.
Atyraý oblysynda Maqat, Saǵyz jáne Dossor stantsiialarynyń temirjol vokzaldaryn rekonstrýktsiialaý jumystary aiaqtaldy.
Qaita jańǵyrtý barysynda barlyq nysandarda qurylys-montaj jumystarynyń kesheni oryndaldy: tirek konstrýktsiialar, shatyrlar men qasbetter jańartyldy, injenerlik jeliler aýystyryldy, ishki árleý jumystary júrgizildi, irgeles aýmaqtar abattandyrylyp, jańa jihazdar men zamanaýi jabdyqtar ornatyldy.
1966 jyly salynǵan Maqat temirjol vokzalynyń aýmaǵy qaita jańǵyrtýdan keiin 355,8 sharshy metrden 374,9 sharshy metrge deiin ulǵaidy. Stantsiia arqyly Mańǵystaý, Beineý, Astana, Pavlodar, Semei, Taraz, Shý, Shymkent, Túrkistan, Qyzylorda, Atyraý, Kókshetaý, Býrabai kýrorty, Qostanai baǵyttaryna, sondai-aq Resei Federatsiiasyna, Ózbekstan Respýblikasyna jáne Tájikstan Respýblikasyna qatynaityn 26 jolaýshylar poiyzy júredi.
Al, 1973 jyly salynǵan Saǵyz vokzalynyń aýmaǵy 249 sharshy metrden 348 sharshy metrge deiin ulǵaidy. Stantsiia arqyly óńirdi Mańǵystaý, Beineý, Oral, Astana, Pavlodar, Semei, Taraz, Shý, Shymkent, Túrkistan, Atyraý, Kókshetaý, Býrabai kýrorty jáne Qostanai baǵyttarymen bailanystyratyn 12 jolaýshylar poiyzy qatynaidy.
1966 jyly salynǵan Dossor temirjol vokzaly qaita jańǵyrtýdan keiin aýmaǵyn 249 sharshy metrden 348 sharshy metrge deiin ulǵaitty. Stantsiia arqyly Almaty, Taraz, Shý, Shymkent, Túrkistan, Qyzylorda, Atyraý, Astana, Kókshetaý, Qostanai baǵyttaryna, sondai-aq Resei Federatsiiasyna, Ózbekstan Respýblikasyna jáne Tájikstan Respýblikasyna qatynaityn 20 jolaýshylar poiyzy júredi.
Úsh vokzaldy rekonstrýktsiialaý barysynda otandyq óndiristiń materialdary paidalanyldy. Jańartylǵan nysandar qaýipsizdik, qoljetimdilik jáne jailylyq talaptaryna sáikes keledi, bul jolaýshylarǵa kórsetiletin qyzmet sapasyn arttyrýǵa múmkindik beredi.
Aita ketý kerek, keshe qaita jańǵyrtýdan keiin elimizdiń bes óńirinde temirjol vokzaldary paidalanýǵa berildi. Atap aitqanda, Atyraý oblysynda — Maqat, Saǵyz jáne Dossor stantsiialary, Almaty oblysynda — Shamalǵan jáne Qazybek bek stantsiialary, Qaraǵandy oblysynda — Dariia jáne Myrza stantsiialary, Qyzylorda oblysynda — Sekseýil stantsiiasy jáne Qostanai oblysynda — Jelezorýdnaia stantsiiasy.
Nysandardy jańǵyrtý Memleket basshysynyń tapsyrmasy boiynsha elimizdegi 124 temirjol vokzalyn rekonstrýktsiialaý jáne jańǵyrtý jónindegi aýqymdy baǵdarlama aiasynda iske asyryldy. Baǵdarlamanyń negizgi maqsaty – jolaýshylarǵa qyzmet kórsetý sapasyn arttyrý, kólik infraqurylymyn damytý jáne temirjol kóligi nysandarynda qolaily jaǵdai jasaý.
