BQO-da qarjylyq piramidany uiymdastyrǵandarǵa úkim shyqty, - dep habarlaidy Dalanews.kz.
Batys Qazaqstan oblysynyń Oral qalalyq soty 2019-2020 jyldar aralyǵynda «Kachestvo PLUS» JShS qarjylyq (investitsiialyq) piramidasyn qurǵan Oral qalasynyń turǵynyn anyqtady.
Investitsiialyq jobalardy zańdy túrde investitsiialaimyz degen jeleýmen ol 73 salymshynyń qarajatyn zańsyz tartyp, joǵary tabysqa ýáde bergen.
Onyń qylmystyq áreketiniń nátijesinde jábirlenýshiler jalpy somasy 143 million teńgeden astam materialdyq shyǵynǵa ushyraǵan.
Odan ári ózine jeke basshylyq boiynsha barlyq ókilettikterdi bere otyryp, ol azamattardyń tutyný kooperativinen «Svoi DOM.kz» jáne «Pater Hause» turǵyn úi-qurylys kooperativinen jalpy somasy 161 million teńgeden astam qarajatty urlaǵan.
Memlekettik aiyptaýshynyń printsipti ustanymyn eskere otyryp, sottalýshynyń qarjylyq piramidany qurýǵa jáne basqarýǵa, sondai-aq qarajatty urlaýǵa qatystylyǵy dáleldendi.
Sot sottalýshyny kináli dep taýyp, qarjy uiymdarynda basshy laýazymdardy atqarý jáne 10 jyl merzimge qarjy uiymynyń múshesi bolý quqyǵynan aiyra otyryp qylmystyq quqyq buzýshylyqtardyń jiyntyǵy boiynsha 7 jylǵa bas bostandyǵynan aiyrdy.
Sonymen qatar, sot úkimimen tyiym salynǵan jyljymaityn jáne jyljymaly múlik, atap aitqanda jer telimi men avtokólik keltirilgen shyǵyndy óteýge jiberildi.
Sot úkimi zańdy kúshine engen joq.
