Prezident saraiynda qazirgi memleket basshysy Ashraf Ǵani ant berdi. Dál osy ýaqytta kórshi saraida prezident sailaýynda jeńiske jettim dep sanaityn premer-ministr Abdýlla Abdýllanyń taqqa otyrý sharasy ótip jatty.
Aýǵanstanda prezident sailaýy byltyr 28 qyrkúiekte ótti. Nátijesi tek bes ai ótkende, 18 aqpanda jariialandy. Eldiń Ortalyq sailaý komissiiasynyń málimdeýinshe, Ashraf Ǵani 50,64 protsent daýys jinap jeńiske jetken. Onyń jeńisin álem qaýymdastyǵy moiyndady.
Resmi málimet boiynsha, ekinshi oryndy 39,52 protsent daýyspen Abdýlla Abdýlla alǵan. Ol sailaý nátijesin moiyndaýdan bas tartyp, óziniń jeke úkimetin quratynyn málimdegen.
Aýǵanstanda eki úkimettiń qurylýy «Taliban» radikaldy qozǵalysymen kelissóz júrgizý aiasynda júrip jatyr. 29 aqpanda AQSh "Taliban" qozǵalysymen bitimge kelý jóninde kelisimge qol qoidy. Tálibter terroristerdi qorǵamaýdy mindetine alyp, úkimetpen soǵysty toqtatý boiynsha kelissóz júrgizýge kelisim bergen.
Kelisimge qol qoiylǵannan keiin NBC telekanaly derekkózine silteme jasap, amerikalyq barlaýshylar tálibter kelisim shartyn oryndamaidy, Amerika áskerin shyǵarǵannan keiin, úkimetke qarsy soǵys ashady dep boljap otyr dep habarlady. Qazir qozǵalys el aýmaǵynyń teń jartysyn baqylaýynda ustap otyr.
