2024 jyly Qazaqstannan syrtqa kóship ketkender sany belgili boldy, dep habarlaidy Dalanews.kz.
2024 jyly Qazaqstanǵa turaqty turýǵa 29 282 adam kelse, elden ketkender sany – 12 732 adam. Kóshi-qon saldosy 16 550 adamdy qurady. Osylaisha, qatarynan eki jyl boiy syrtqy kóshi-qonnyń oń saldosy baiqalyp otyr.
"Eldiń negizgi kóshi-qon almasýy TMD memleketterimen júrgen. Táýelsiz memleketter dostastyǵynan kelgenderdiń úlesi 81,6% bolsa, osy elderge ketkenderdiń úlesi 74,8% qurady. Basqa elderdiń ishinde kóship kelgenderdiń kópshiligi Qytaidan, Mońǵoliiadan jáne Túrkiiadan bolǵan, al basqa elge ketkenderdiń basym bóligi Germaniia, Polsha jáne AQSh-qa ketken", - dep jazylǵan habarlamada.
Shetelden turaqty turý úshin kelgender negizinen Almaty qalasyn (6 260 adam), sondai-aq Almaty (4 788) jáne Mańǵystaý (3 680) oblystaryn tańdaǵan. Kerisinshe syrtqa ketkenderdiń eń kóp sany Soltústik Qazaqstan (2 133 adam), Qaraǵandy (1 588) jáne Shyǵys Qazaqstan (1 195) oblystarynda tirkelgen.
El ishinde kóship-qonýshylar sany 2023 jylmen salystyrǵanda 47,6% ósti. Óńiraralyq kóshi-qon boiynsha elimizdiń 4 óńirinde oń saldo qalyptasyp otyr, olar Astana (73 238 adam), Almaty (36 061 adam), Shymkent (9 361 adam) qalalary men Almaty oblysy (2639 adam).
