Ótken jyldyń qyrkúıek aıynda Memleket basshysy Qazaqstan halqyna arnaǵan Joldaýynda «Biz «Tegin tehnıkalyq jáne kásiptik bilim berý» jobasyn júzege asyrýdy jalǵastyramyz. Búgingi kúni NEET sanatyndaǵy 237 000 jas qamtylmaǵan. Jyl saıyn 50 myń talapker aqyly negizde oqýǵa túsedi, olardyń 85%-y az qamtylǵandar sanatyna jatady. Bul jaǵdaıdy túzetý kerek. Suranysqa ıe mamandyqtar boıynsha tegin TjKB-men 100% qamtýdy qamtamasyz etý qajet» degen edi.
Osy tapsyrmaǵa saı bıyl Qazaqstan kolejderinde 288,3 myń stýdent tegin oqıtyn boldy. Granttardy bólý kezinde kópbalaly, az qamtylǵan, tolyq emes otbasylardyń, sondaı-aq erekshe bilim alýdy qajet etetin otbasylardyń balalaryna basymdyq berilgenin aıta ketýimiz keerk.
2022 jyly kolejde oqýǵa arnalǵan granttar sany 45 000-ǵa artqan. Bul rette memlekettik tapsyrystyń jalpy sany 125 myńdy qurady.
Bilim grantyn belgileýde birinshi kezekte tegin bilimmen kópbalaly, az qamtylǵan, tolyq emes jáne erekshe bilim berý qajettiligi bar balalary bar otbasylardyń balalary qamtylady.
QR BǴM kásiporyndardyń ótinimderi boıynsha jumysqa ornalastyrý mindettemesimen kadrlardy maqsatty daıarlaýdy engizip jatyr. Bıyldyń ózinde kásiporyndardyń maqsatty tapsyrysy boıynsha 10 myńnan astam talapkerdi qamtý josparlanyp otyr.
Sonymen qatar 2025 jylǵa deıin memlekettik tapsyrystyń 70%-y tehnıkalyq mamandyqtarǵa beriledi. Bul negizinen metalýrgıa, IT, qurylys, ınjenerıa, qyzmet kórsetý salalary boıynsha mamandyqtar.
