Bilikti maman myńǵa jýyq búldirshindi durys sóileýge úiretken
Elena Petrovna Shymkent qalasyndaǵy № 28 «Gaýhar» (arnaiy korrektsiialyq) balabaqshasynda logoped bolyp qyzmet atqarady. Bilikti maman júrgizgen túzetý jumysy nátijesinde balabaqsha túlekteri jalpy orta mektepterinde bilim alýda. Ol 33 jyldan beri ár jyl saiyn 25-ten astam balany qalypty bilim alýǵa tárbielep shyǵarady.
Búginde arnaiy balabaqshadaǵy ádistemelik keńesiniń múshesi Elena Petrovna jyl saiyn ótetin halyqaralyq konferentsiialarǵa qatysyp, pedagogikadaǵy arnaiy túzetý jumystary boiynsha ózekti taqyryptardy kóterip keledi.
Sonymen birge balanyń sóileýde tilin túzetý boiynsha aǵartý jumysyn belsendi júrgizip otyrady. Elimizdegi arnaiy mektep pen balabaqsha ustazdaryna sheberlik-sabaqtary men seminar-trening uiymdastyryp, saladaǵy innovatsiialyq tehnologiialardy, ózi engizgen standartty emes ádisterimen bólisedi.
Ustaz Elena búginge deiin halyqaralyq jáne respýblikalyq tájiribelik konferentsiialarda baiandama jasap, 12 ǵylymi maqalasy jaryq kórgen.
Biyl Voloshina «Jastardyń bastamalaryn qoldaý inkliýzivti qoǵam qurý jáne damytý» atty áleýmettik jobaǵa qatysyp, sarapshy bolyp bekitildi. Sondai-aq, osy jyldyń sáýir aiynda qaladaǵy Ádistemelik ortalyǵynyń úilestirý keńesine múshe boldy.
Balalarǵa degen súiispenshiligi, óz isine sheberligi jáne jyldar boiy atqarǵan eńbegi úshin Elena Voloshina «Bilim berý úzdigi» men «Ult Ustazy» tósbelgisimen marapattalǵan.
