Biraq bul bosańsýǵa sebep emes. Óıtkeni álemde qaýiptiligi jaǵynan kovıdtyń «Delta» shtamynan artyq qaýipti mýtasıasy joq.
– Koronavırýstyń «Eta» nusqasy indettiń jańa tolqynyna ákeledi, ol óte qaýipti nemese asa juqpaly degen aqparat joq. Sondyqtan bul shtamm dárigerlerdi qaýiptendirip otyrǵan joq. Biz qazir «Delta» shtamymen kúresip jatyrmyz. Ol áldeqaıda qaýiptirek, – deıdi Profılaktıkalyq medısına akademıasynyń prezıdenti Almaz Sharman.
«Eta» shtamyn juqtyrǵandar kúrt kóbeıip jaǵdaı ýshyǵady degen qaýip joq. Ári qazir elimizde qoldanylyp jatqan vaksınalar indettiń jańa nusqasynan da qorǵaı alady.
Ókinishtisi sol, halyqty ekpemen qamtý deńgeıi bizde áli tómen. Al ımmýnızasıadan ótkender úlesi artqan saıyn, vırýs kúshin joıady. Sóıtip ol qarapaıym ınfeksıaǵa aınalyp, endemıkalyq aýrý bolyp qalyp qoıady. Sondyqtan akademık ekpe alýdyń mańyzy zor ekenin taǵy bir eske saldy.
Nurgúl Nurlanqyzy
